Accessibility links

Tatarstanda Rusiä matbuğatı köne bilgeläp ütelde


Rusiä matbuğatı köne Tatarstanda da bilgeläp ütelä. Respublikada çığuçı gäzitläre citäkçeläre üzlären Rusiä matbuğatınıñ ber öleşe dip sanıy. Şul uq waqıtta, cirle jurnalistlar Tatarstan matbuğatı könen dä bäyräm itüdän baş tartmıy. Elemtä ministrlığı mäğlümatlarına qarağanda Tatarstandağı keşelär mäğlümat çaralarına arasında saylaw mömkinlege Rusiädä iñ kübe ikän. 1000 meñ keşegä urtaça 500läp mäğlümat çarası turı kilä. 13 ğınwar kiçendä «Tatmedia» ağentlığı binasında Qazanda, Tatarstanda çığuçı gäzit –jurnal baş möxärrirläre oçraşuları buldı. Anda räsmi keşelär çığış yasadı, xäbärçelärne hönär bäyräme belän qotladı. Baş möxärrirlär üzläre dä bik teläp üz ara aralaştı, borçığan problemalar xaqında fiker alıştı. «Azatlıq» xäbärçese dä ber niçäse belän söyläşep aldı. «Watanım Tatarstan» gäzite baş möxärrire Minnazim Säfärov.

«Bügenge köndä süz irege mäs’äläse küñeldä borçu tudıra. Bäyräm xise yuq, ämma bu könne nindider berdämlek köne itep qabul itäm. Oçraşuğa da kollegalar belän fiker alışu öçen kildem

İntertat.ru agentlığınıñ baş möxärrir urınbasarı Alfiä Miñnullina «Tatarstan matbuğat köne küñelgä yaqınraq, dip cawap birde. Ul, süz irege mäs’äläsendä, internetta eşläwçe mäğlümat çaralarına küpkä ciñelräk, dide. FM dulqınnarda iñ uñışlı eşläwçe «Tatar radiosı»nıñ citäkçese Almaz Mirğazizovnı da Rusiä matbuğatı köne bitaraf qaldırmıy. FM radiolar da cämğiätne borçıy torğan problemalardan çittä qala almıy, dide ul. Älege oçraşuda «Jurnalistlar berlege» räise Rimma Ratnikova da çığış yasadı. Ul söylägänçä, 5 yıl elek Tatarstanda Rusiä matbuğatı könenä andıy zur iğtibar kürsätelmägän bulğan. Soñğı yıllarda älege çaranı Jurnalistlar berlege ütkärep kilgän. Xäzer bu eşne mäğlümat çaraları eşen bağuçı räsmi «Tatmedia» agentlığı qaramağına küçte. Kem genä ütkärsä dä, Jurnalistlar oçraşıp söyläşergä här waqıt şat. Kiläse küreşü 19 mayğa- Tatarstan matbuğatı könenä bilgelängän.

Bikä Timerova.

XS
SM
MD
LG