Bügen Mavritaniädä BMO konferensiäsendä çığış yasap BMO General' Sekretare Kofi Annan klimat üzgäreşlärenä qarata xälitkeç çaralar kiräk dide häm 26-nçı dikäberdäge tsunami faciğäsen iskä alıp dönya külämendä aldan kisätü sisteması buldırırğa çaqırdı.
Annan tsunamidan soñ, ğalimnärneñ cir cılınu näticäsendä diñgez sularınıñ kütärelüennän nindi zıyan bulaçağı turında äytkännären küz aldına kiterü xäzer inde alay qıyın tügel dide.
Tağın ber aydan, cirneñ cılınuına kiterüçe dip sanalğan yapma tä'sire birüçe gazlar çığarunı kimetü turında xalıqara Kyoto kileşüe ğämälgä keräçäk.
Mavritaniädä ber atna däwam itäçäk bu konferensiädä küptän tügel bulğan tsunami kebek bäla-qazalar yanağan illärgä yardäm itü yulları turında süz baraçaq.
