Accessibility links

якшәмбе, 11 декабрь 2016, Казан вакыты 09:15

Ğiraqta ğisyançılar distädän artıq keşene üterde


Ğiraqnıñ şiği din ähele Cäläletdin äs-Säğir ildäge şiğilar citäkçese Ayatulla Ali äs-Sistaninıñ yardämçese üterelüne ğäyepläp çığış yasadı. Äs-Säğir Bağdadtan könyaq-könçığışta älege yardämçene, anıñ ulın häm 4 tän saqçısın üterü yaqınlaşıp kilüçe saylawlar aldınnan mäsxäblär arasında suğış çığaru tırışlığı dide. 1363

AUDİO: Töp şiklänüçelär watandaşlar suğışın yaqlawçılar. Min Baath törkemennän häm Wahabiçılıq yulınnan baruçılar törkemennän torğan pıçraq duetnı küz aldında totam. Alar urtaq masqatalarına ireşü öçen xezmättäşlek itä. Bu maqsatların alar yäşerep tä tormıy. Alar Ğiraq xalqı arasında mäsxäbçelek suğışı başlarğa tırışa. Çönki Sönnilär tarafınnan kire qağılğannan soñ mäsxäbçelek suğışı alarnı Sönnilär aldında qaharman itäçäk.

Bügen qorallı keşelär Bağdad üzägendä 6 keşene atıp üterde häm qunaqxanä yanında ber törek käsepçesen totıq itep alıp kitte.

Bügen Qahirädä Ğiraqnıñ waqıtlı tışqı eşlär ministrı Xöşyär Zebari Mısırdan häm başqa ğäräp illärennän, Ğiraq xalqın 30-nçı ğinwarğa bilgelängän saylawlarda qatnaşırğa çaqırunı soradı. Zebaru bu saylawlar bilgelängän köndä ütäçäk dide.

XS
SM
MD
LG