Accessibility links

шимбә, 10 декабрь 2016, Казан вакыты 06:09

Aydar Xälim - “Sez belämsez qaya barğannı...”: “Bezneñ zaman geroe” turındağı fikerläre


Näq şuşı könnärdä, ğinwar urtasında kürenekle şağir, prozaik häm tärcemäçe Şäyxi Mannurnıñ tuuına 100 yıl tula. Bu uñaydan Mamadış rayonında 14-15 ğinwarda “Şäyxi Mannur könnäre” ütkärelä. Comğa könne yazuçılar berlege räise Foat Ğalimullin citäkçelegendäge delegatsiä Mamadışqa kitte. Kem soñ ul Şäyxi Mannur? “Anıñ icatı nindi qiblağa qarağan, ul nindi yañalıq kertkän?-digän sorawlarğa cawapnı ölkän buın birä alsa da“ yäşlär öçen andıy sorawlar açıq qala. Yazuçınıñ yubiley çaraları turında mäğlümatnı kiläçäktä sezgä citkererbez.Ä menä waqıt häm anıñ qaharmannarı turında söyläşü härwaqıt kön qadağında. “Azatlıq” radiosınıñ matbuğat küzätülärendä “Qazan utları” jurnalınıñ “Bezneñ zaman geroe”säxifäsendä barğan bäxäs turında daimi räweştä söylänelde. İnde yaña yılğa kerdek. Ä zamananı, anıñ geroyların añlaw haman da qıyın. Şäyxi Mannur kolxoz tözü zamanında ğazaplanğan Ğayccän babay turında poema yazğan, Musa Cälil turında roman icat itkän. Ul da barlıq sorawlarğa cawap birälmägänder, möğayın.Ä bügenge qaharmannar, bügenge ideallar turında kem äytep birä ala? Ğädättä iñ qaynar temalarğa totına torğan şağir häm publitsist Aydar Xälim Azatlıq radiosınıñ Qazan byurosına kilep üzeneñ fikerlären äytte. >“Bez, däwläte häm üz bank-, internet sisteması bulmağan tatar cämğiäte globalizm häm anıñ näticäläre turında uylıy başlarğa da ölgermägän buluıbızğa qaramastan, inde anıñ qolına äwereldek. Ğadi genä añlatqanda, närsä ul- globalizm? Ä menä närsä:Tabiği baylıqlarıñ yuridik yaqtan sineke, läkin faktik yaqtan - sineke tügel. ТV neñ- formal' yaqtan sineke, ul sineñ salım aqçasına eşli-ämma faktta, andağı seks-bomba programmaları belän - sineke tügel.... İdel sineke - ämma sin anıñ yarlarınnan quılgansıñ.İgen sineke –, anı sin üsteräseñ, ämma orlıqları- imperiä ambarlarında. Mäçetläreñ urınında - çirkäw, qaberlekläreñ urınında –xәrçäwnä. Kükrägeñdä - köçläp tağılğan täre...” Sez Aydar Xälimneñ fikerlären, üzeneñ tawışınnan “Sez belämsez qaya barğannı”dip isemlängän tänqidi xezmätennän alınğan özektän tıñladığız. “Qazan utları” jurnalınıñ 2004 yılda “Ädäbiätebezdä bezneñ zaman geroe” säxifäsendä bäxäs barğan ide. Bu bäxäsne bıyıl “Qazan utları” jurnalınıñ berençe sanında Aydar Xälim däwam itäçäk. “Qazan utları”jurnalınıñ berençe sanı aldağı atnada uquçılarğa barıp ireşäçäk. Ä matbuğatqa küzätü tapşıruları bıyıl azraq üzgärtelep, ğädättägeçä şimbä könnärdä däwam ittereläçäk.

Azatlıq radiosı Mälikä Basıyr Qazan.

XS
SM
MD
LG