Accessibility links

пәнҗешәмбе, 8 декабрь 2016, Казан вакыты 01:17

“Şähri Qazan”<br> Mäxmüt Niğmätcanov: “Latinsız kiläçägebez yuq.”


Här atnanıñ şimbä tapşıruında Tatarstan matbuğatına küzätü efirğa çığa. Bıyıl da şulay bulır. Ämma, uzğan yıldağı kebek barı tik jurnallar turında ğına, alarnıñ ayırım sannarındağı qayber mäqälälär xaqında söyläw belän genä çiklänmäbez. Könlek häm atnalıq gäcitlärdä qızıqlı, aktual'' äsärlär häm xäbärlär oçrıy bit. Yaña yıldağı iñ berençe sannarda da bar alar. Mäsälän, Tatarstan yäşlärenen 13 ğinwar sanında İslam Äxmätcanovnıñ Krokodil teş küräme digän yazması basılıp çıqqan. Eçtälegen söyläp tormıybız, uzegez tabıp uqırsız. Qısqa xäbärlärdä xikmät oçrıy. Tatarstan prokurorı urınbasarı Färit Zahidullin Yaña ğasır televideniese aşa çığış yasap, bolay dide. Prokuratura bügen xalıqqa buşlay xezmät kürsätüçe berdänber-ber oyışma, di ul. Çınnan da şulay bit, şäp äytkän. Yuğisä bit aqçasız törmägä dä utırmasqa mömkinnär bit. Kiçke Qazan comğa sanında ğadi genä mäğlümat basqan. Uzğan yıl axırında cinayät eşläwdä, rişwät aluda, wazıfaların arttıruda ğäyeplängän Şamil Ğilmanov, Qazan şähäre xakimiäteneñ transport komitetı räise wazıfasına yañadan qaytarıldı, dielgän. Gazetada bu xäbär 8 genä yul urın alğın. Ä ber keşe berniçä ay buyı xökem baltası astında torıp, aqlanğan. Ä bit bu gäcit informatsiäse tügel, çın drama, yazmış faciğäse. Matbuğatta qayber estrada yoldızlarınıñ şäxsi tormışı, ire, xatını, yal itkän plyajları, restorannarı täfsilläp kürsätelä. Ä ğädellek taptalu yäki qaytarılu menä şulay süz arasında atalıp qına kitä. Ä qayber xikmätle xällär bötenläy atalmıy.

Bügenge tapşıruda sezne ber genä mäqälä belän yaqınnanraq tanıştırırbız. Şähri Qazan gäciteneñ 6 ğinwar sanında muzıka tarixı ğalime Mäxmüt Niğmätcanovnıñ «Latinsız kiläçägebez yuq” digän mäqäläse basılıp çıqqan. Latin älifbasına küçärgä tırışqan öçen tatarlarnı häm Tatarstannı niçek kenä taptamadılar. Belgäne dä, belmägäne dä bu turıda sağız çäyni yäki tatarlarnıñ üz arasında şik-şöbhä tarata. Mäxmüt Niğmätsanov kirill elifbası belän dä, latin belän dä uqığan, yazğan keşe. Ul bu mäsäläne distä yıllar buyı öyrängän häm millätneñ telenä bäyle närsälärneñ asılında närsä yatqanın belä. Anıñ mäqäläsenä menä şundıy epigraf quyılğan. «S xristonosnoyu xorugvieyuy idem na bezbojnıy yazıq kazanski”, İvan Groznıy, 1552 yıl - menä şundıy epigraf. Ä xäzer Mäxmüt Niğmätcanovnıñ Şähri Qazan gäcitendä yazılğan mäqäläsennän özeklärne Damir Älmätle uq:

(Audio)

Sez Matbuğat közgese tapşıruında Mäxmüt Niğmätcanovnıñ Şähri Qazan gäcitendä basılıp çıqqan mäqäläsennän özeklär tıñladığız. Üzegezne qızıqsındırğan ayırım mäqälälär, xäbärlär, reportajlar bulsa, Azatlıqnıñ qazan byurosına cibäregez, 420012, Qazan, 155 abonent tartması.

Rimzil Wäli, Qazan

XS
SM
MD
LG