Accessibility links

җомга, 9 декабрь 2016, Казан вакыты 16:39

Fälästin radikalläre M.Abbasqa qarşılıq kürsätep,Gazada höcüm oyıştırdı


Mäxmüd Abbasnıñ prezident itep saylanuına ber atna da ütmi radikal fälästinnär Gaza Sızığı çigendä oyıştırğan höcümdä 6 izraellene üterde.İnsident köç qullanunı tuqtatırğa çaqırğan Mäxmüd Abbasqa qarşılıq kürsätü dip bäyälänä.

Atnakiç kiçkä taba İzrael belän fälästinnärne ayırğan iminlek diwarınnıñ Karni kontrol punktında bomba yökle yök maşinasın şartlatıp zur tişek açqan fälästin radikalläre diwarnıñ ikençe yaqındağı İzrael xärbilärenä ut açıp alarnıñ 6sın üterde . Atışu waqıtında 3fälästinle dä ülde Atnakiçtäge höcüm öçen 3 törkem cawaplıqlını üz östenä aldı.Alarnı berse Xamas, ikençese al Aqsa Şäxitläre brigadası bu inde yaña saylanğan prezident M.Abbasnıñ Fatax xäräkäteneñ qorallı qanatı bulıp tora 3çe törkem isä Fälästinnärneñ Xalıq Qarşılığı Komitetı . Höcüm Abbasqa qarşılıq kürsätü aktı dip qaraldı. Här daim köç qullanuğa qarşı buluın häm köç qullanunıñ fälästinnärgä fayda urınına zian kiteräçägen belderep kilgän M.Abbas Karnidäge şartlawdan bir –ike säğät elek kenä näk şul turıda söylägän bulğan. Radikal törkemnär İzraelneñ ber yaqlı çigenü planın , İzrael ut astında tora şunın öçen çigenä dip kürsätergä teli dip tä bäyäläp bula . Şartlawadan soñ İzrael Gaza belän çiklären yaptı häm Abbas ğıysyançılarnı kontrol itergä tieş dip belderde. İzrael tışqı eşlär ministırlığı süzçese Daniel Taub bolay dide

Daniel Taub (audio)

Abu Mazen ( yäğni M.Abbas) öçen saylaw ber qayçan da şundıy açıq tügel ide : sin terroristlarğamı ällä Fälästin xalqınamı yardäm itäçäksen ?

M.Abbasnıñ yäkşämbedä prezident itep saylanuınnan soñ körçekkä terälgän tınıçlıq söyläşüläre öçen yaña ömed täräzäse açıldı dip qaralğanda Karnidä şartlaw oyıştırıldı. BMO general sekeratrınıñ yardämçese Kieran Predergast atnakiç irtän İminlek Şurasında yasağan çığışınad bolay dide

Predergast (audio)

Töbäktä çın nigezle ezlekle üzgäreşlär bulır digän ömed uyana.Ozak yıllar däwam itkän ömedsezlek, däxşät urının xäzer optimizm aldı. Potensial bar. Ämma näzberek yaña protsess bälkim dä cimereler digän qurqınıç ta bar.

Räsmi bulmağan Yaqın könçığış solıx inisiativası Yäğni Jeneva kileşüen äzerlägä yardäm itkän İzraelle Daniel Levy fikrençä höcüm Abbas öçen orım bulıp tora ämma bu protsessnıñ ber öleşe

Levy(audio)

älbättä bu bik qıyın xäl, min höcümne xökem itäm, läkin bu radikallär belän söyläşülärneñ öleşe bulıp tora .Alar bezne rizallaştıru ciñel bulmayaçaq sez bezne arzanğa satıp alalmisez dip äytälär.

Levy Abbasnıñ tırışlıqlarında İzraelanı yaqlaw öçen här närsäne eşlärgä tieş. Ägär dä Abbas fälästinnärgä köç qullanmaw, İzrael belän söyläşülär näticälär kiterä , kontrol punktları sütep taşlana, izraelllär azıraq tıqşına dip kürsätä alsa , fälästin cämäğätçelegen üz yağına cälep itü , ğıysyançılarnı izolatsiläw qulayraq bulaçaq dip söyli .

İzrael yustitsiä ministrı Livni comğa könne Armiä radiosına terror oyışmaların kontrol tırışlığında İzrael Abbasnı yaqlarğa tieş dip belderde färidä xämit
XS
SM
MD
LG