Accessibility links

чәршәмбе, 7 декабрь 2016, Казан вакыты 13:40

Tatar basmaları zur yuğaltu kiçermäde


Bu könnärdä Başqortstandağı gäzitlär häm jurnallar bıyılğı berençe yartíıllıqqa matbuğatqa yazılu näticälären tikşerä. Republíktağı baytaq qına räsmi matbuğat basmaları çirattağı yazılu çorında küp kenä yuğaltu kiçerde – elekke abunäçeläreneñ xätseze alardan yöz çöyerde.

Republíktağı tatar gäzit- jurnalları başqalar belän çağıştırğanda yaxşı xäldä dip äytergä bula. Misal öçen, «Ömet» tatar yäşläre gäzite uzğan yılğı tirajnı saqlap qına qalmadı, ä beraz arttıruğa da ireşte. «Tulpar» yäşlär jurnalı da üz sanın bıltırğı däräcägä citkerä alğan. Anıñ küläme 16 meñnän artıq. Tatar telendä çığuçı «Atna» isemle atnalıq gäzit haman da liderlar rätendä. Üzeneñ başqort häm urıs tellärendäge igezäklären ber yarım tapqırğa uzıp kitep, 31 meñ uquçısın buldırdı ul. Älege podpisqa çorında «Qızıl tañ» gäzite genä yuğaltu kiçergän. Öç meñ çaması abunäçesennän qolaq qağıp, üz tirajın 31 meñ danägä qädär asqa tägärätkän ul. Republíkta bu yıldan tatar telendä «Xalıq ixtíarı» häm «Qíbla» digän bäysez tatar gäzitläre dä daimi çığa başlí. Äle «Xalıq ixtíarı» basmasınıñ ike sanı dönya kürde dä inde häm şunda uq uquçılarnıñ söyüen yawladı ul. Tizdän «Qíbla» gäzite dä çığa başlarğa tieş. Äle anıñ eşçänlegen başlap cibärügä soñğı äzerleklär baruı mäğlüm. Şuşı ike bäysez gäzitkä republíktağı tatar milli oyışmaları häm tatar zíalıları zur ömetlär bağlí.

Fänis Fätxi, Ufa.

XS
SM
MD
LG