Accessibility links

пәнҗешәмбе, 8 декабрь 2016, Казан вакыты 17:17

Monetizatsiä xalıqnıñ kesäsenä suğıp yoqısınnan uyattı


15 ğinwar könne Qazanda monetizatsiä reformasına qarşılıq aksiäse ütte. Meñgä yaqın keşe Kamal teatrı yanında Tatarstan uramın buıp quydılar. Şähär transportınıñ qayber marşrutları tuqtadı. Xalıq taşlamalarnı kire qaytaru kebek sotsial'' taläplär belän bergä säyäsi taläplärdä çığardı. Qarşılıq aksiäse ütkärüçelär yanına Qazan şähäre administratsiäse başlığı Kamil İsxaqov häm anıñ sotsial'' mäs''älälär alıp baruçı urınbasarı Tatyana Larionova kildelär. Läkin bernindi dä añlaşu söyläşü barıp çıqmadı. Citäkçelär düşämbe köngä şähär transportın pensionerlarğa buşlay yasarğa wäğdä itep kitärgä mäcbür buldılar. Xäzer min sezgä miting tawışların ireşteräm xörmätle tıñlawçılarıbız. Mitingnıñ başı. Töp oyıştıruçı - “Raboçiy komitet” digän oyışma citäkçese Gennadi Zaxarov jurnalistlar belän söyläşä.

Gennadi Zaxarov jurnalistlarğa oyışmanıñ koordinatların äytä. Oyışma monnan ike yıl elek barlıqqa kilgän. Qarşılıq aksiäse sanksiäsez ütkärelä, çönki mondıy- xäkimiättän xalıq mänfägat''lären yaqlaw aksiäsenä röxsät kiräkmi dip sanıy.

Ä xäzer aksiädä qatnaşuçılar yanına Kamil'' İsxaqov kilgän waqıt.

Düşämbe könne Kamil'' İsxaqov belän oçraşunıñ näticäsez ikäne mäğlüm bulğaç xalıq Tatarstan uramın yañadan buıp aldı. Aksiägä milli xäräkät liderları quşıldı. Tatarstan prezidentına taşlamalarnı qaytarunı sorap imzalar cıyu başlandı. Xäzer sezgä milli xäräkät aqsaqalı İl''dus Sadıyqov belän düşämbe könne mitingta söyläşüdän ber özek täqdim itäm.

İl''dus Sadıyqov federal'' xakimiätneñ töbäklärgä qarata alıp barğan säyäsäten tänqitli. Salımnarnıñ 80 protsentıñ üzenä cıyıp alıp töbäklärne xäyerçe xälenä qaldıra da, annan soñ monitizatsiä kebek xalıqqa zıyanlı reforma ütkärä başlıy. Xalıq qarşı kütärelgäç monıñ säbäplären töbäklärneñ qanunnı cirenä citkerep üti belmäwlärennän kürä.

Sezgä bu xäbärne äzerlägän waqıtta qarşılıq aksiälärenä xakimiätneñ reaksiäse dä mäğlüm buldı. Ministrlar kabinetında maxsus utırış başlanuı, anda prezident Mintimer Şäymievnıñ qatnaşuı mäğlüm buldı.

Yunıs Ätnäle

XS
SM
MD
LG