Accessibility links

дүшәмбе, 5 декабрь 2016, Казан вакыты 23:49

Qaydan qorban alası?


Äle Qorban ğäyetenä öç kön çaması waqıt bar. Läkin ğädättä, xalıq bu olı bäyrämgä aldan xäzerlänä başlıy. Yort-ciren cıya, öyen yua, ä qorbanlıqqa digän xaywannı ğomumän aylar däwamında asrıy. Yıl sayın Xoday aldında başqarıla torğan ber burıç – qorban çaluğa zur tırışlıq belän äzerlänä.

(Sarıq tawışları)

Tatarlar ğädättä, menä şundıy kör tawışla sarıqlarnı qorban itep çala. İslam qanunnarı buyınça sıyır, döyä kebek xaywannarnı qorbanlıqqa çalu yarasa da, tatarlar sarıqnı üz itä. Sarıq bäräkätle xaywan dip äytkännär ata-babalar. Bäräkätlesen bäräkätleder dä, ä maxsus doğalar, niät belän çalına torğan qorban sarığın şähär cirendä qaya tabarğa soñ? Bit salalarda ğına tügel, qalalarda da möselmannar yäşi. Tatarstan möselmannarı Diniä näzaräte apparatı citäkçese İlyas xäzrät Cihanşa söyli.

Bezneñ öçen möhim mä’sälälärneñ berse – ul Qorban çalunı oyıştıru. Äkerten genä, tatarstan möselmannarınıñ Diniä näzaräte bu eşne üzäkläşterü buyınça ber yulnı aldı. Här yılnı mäçetlärebez qarşında Qorbanlıqqa alıp kilgän sarıqlarnı satu oyıştırıla. Mondıy eşlärne ike yıldan artıq inde Märcäni mäçete misalında küzätep barabız. Bu mäçetkä härkem kilep, üzenä oşağan xaywannı satıp alala. Älbättä, mondıy mömkinleklär başqa mäçetlärdä dä oyıştırılğan

İlyas xäzrät Märcäni mäçete Qazannıñ Cämiğ mäçete bularaq, anıñ ürnägen kiterde. Älege mäçetneñ imam-xatıybı Almaz xäzrät Möxlisev söyli:

Qorban çalırğa telägän keşelär mäçetkä kilep yazıla alalar. Ber qorban sarığı bäyäse 2500 rubl' tora. Şul summanı qaldıralar, da, alarğa yazu birelä. Qorban çalınası könne, kilep, maxsus bilgelängän keşelärdän çaldırıp, eşkärtep alıp kitä alalar

Yarar, ä mäçetlärgä sarıqlar qaydan kilä. Alar bit, başqa dindägelär kebek xucalıq totmıylar, barı tik sadaqa, xäyer aqçasına kön itälär. İlyas xäzrät Cihanşa monı bolay añlata:

Qayber rayonnarda Qorbanlıq öçen sarıqlarnı aldan uq xäzerlilär. Mäsälän Baltaç rayonı Timeräzevo kolxozında. Anda qorban öçen sarıqlarnı maxsus üsterü buyınça berniçä yıl şöğellänälär

Tatarstan möselmannarı Diniä näzaräte apparatı citäkçese İl'yas xäzrät Cihanşa buldı.

Möselmannarğa, Xodaynıñ räxmäten añlar öçen Qorban yolası wacib bulıp kilgän dip añlatalar din ğalimnäre. Almaz xäzrät Möxlisev söyli:

Bu bezgä İbrahim päyğämbärneñ qissasın iskä töşerä. Bu päyğämbär, Allahı täğälä rizalığı öçen, üzeneñ balasın da xätta qorban çalırğa riza bula. Allahı täğälä keşe qanı tügelüen telämi, şuña kürä, balanı sarıq belän almaştırıp quya. Häm bu yola bügengese köngä qädär qala.

Räfis Cämdixan

XS
SM
MD
LG