Accessibility links

җомга, 9 декабрь 2016, Казан вакыты 16:29

Yaqın Könçığışta tınıçlıq ömetläre sürelä bara


Yaqın Könçığışta fälästinnär belän yähüdlär arasında tınıçlıq urnaştıru öçen ömed çatqıları tuğanda ğına xällär yañadan kiskennäşep kitte. Ber atna elek kenä M.Abbas İzrael belän Fälästinnär arasındağı dialognı yañartu wäğdäläre belän prezident saylawlarında ciñep çıqtı. Ämma ike aradağı ömedlär özelergä dä ölgerde. Fälästinnär yasağan qanlı höcümnän soñ Ariel Sharon fälästinnär belän barlıq elemtälärne özde.

Fälästin-İzrael mönäsäbätläreneñ naçarlanuı yañalıq bulmasa da alarnıñ şundıy tizlektä naçarayıp kitüe çınlap ta supriz-kötelmägän eş Äle ber atna elek kenä M.Abbas İzraelgä tınıçlıq qulı suzu, ciddi solıx protsesı, köç qullanunı beterü öçen atışlarnı tuqtatu turında söyli ide Ämma atnakiçtä fälästin radikallere Gaza Sızığı belän İzrael arasındağı çiktä 6 izraellene üterde. Bu İzrael öçen qabul itelmäslek yuğarı san . Kötelgäneçä reaksiä kisken buldı. Premyer Sharon M.Abbas belän barlıq elemtälärne özde häm fälästin citäkçelege radikallärgä qarata barmaqların da quzğatmıy dip äytte. Sharon ayruça Gaza Sızığında fälästin radikallärenä qarşı çiklänmägän operatiälär oyıştıru terrornı tuqtatu öçen armiägä kürsätmä birgän. Fälästinnärneñ yuğaltuları arta bara, şimbädä genä 8 fälästinle üterelde.

İzrael tışqı eşlär ministrı Silvan Shalom(audio):

Fälästinnärneñ säbäp, sıltaw süzlär çorı ütte dip uylıym Äle ğämällär waqıtı bez alarnıñ kiräkle eşlärne ''yul xaritası'' tınıçlıq planındağı yäklämälären ütäwlären kürergä telibez.

M.Abbas solıx tırışlıqlarınıñ yañartıluın teläsä dä ul radikallärne köç qullanıp kontrol astına quyu , fälästin qanının tügelüenä qarşı

Fälästinnärneñ tışqı eşlär ministrı Nabil Sha''ath mondıy fikerdä (audio):

Qanun tärtip urnaştıru Fälästin xakimiäteneñ eşe buluı añlaşıla. Ämma bezneñ alda eçke qanun yäki tärtip problemasınnan küpkä qatmarlıraq mäsälä tora. Problema.. ozaq waqıt däwam itkän okupatsiä häm okupatsion köçlär belän fälästin xalqınıñ yıraqqa suzılğan konfrontatsiäse

Fälästinne Azat itü Oyışması PLO, radikallärne İzraelgä höcümnären tuqtatırğa çaqırıp,höcümnär milli mänfäğätkä zian kiterä häm İzraelneñ yaña operatsiälärenä säbäp kenä bula digän belderü yasadı.

Ämma radikallär başqaça qarıy.Xamas häm islamçı Cihad İzrael aksiäläre däwam itkändä atışlarnı tuqtatu belän kileşmi.Gazada Xamas citäkçese al Zahar (audio) bez ber närsäne dä buşlay birmibez häm uñışsız tırışlıqlarğa qatnaşmıybız. Okupatsiä betkännän soñ ğına mäsälälärne tikşerep,fikrebezne äyterbez.

Abbas äytep kitkän törkemnärneñ citäkçeläre belän oçraşıp ,atışlarnı tuqtatuğa ireşergä tırışaçaq. Xabärlärgä qarağanda bügen ul iminlek köçlärenä radikallärneñ İzraelgä höcümnären buldırmaw buyınça kürsätmä birgän. Niçek kenä bulmasın, Abbasnıñ saylanuı belän tuğan ömedlär sürelä töşte.Ämma Xalıqara Mäsälälär öçen Patşalıq İnstitutında yaqın könçığış analitigı Yossi Meckelberg (audio)

Yaqın Könçığışta nindider progres işaräläre kürensä , şunduq här närsä artqa taba tägäri başlıy,bu säyäsi protsessnıñ töp problemaları, tınıçlıq protsesı ozaq waqıt ekstremistlarnıñ totığı , çağıştırmaça urtaçıllar här waqıt ekstermistlarmıñ tozağına töşte

Analitik qaraşınça, fälästin yağı ğıysyançılarnıñ häcümnären xökem itü belän genä qalmıy ,närsäder eşlärgä ä İzrael Abbasqa radikallärne kontrol astına quyu öçen kübräk waqıt birergä tieş. Monda xalıqara cämäğätçelekneñ dä role möhim ul häm İzrael häm dä fälästin yağına tınıçılq suqmağın tabu öçen yardäm itergä tieş.

färidä xämit
XS
SM
MD
LG