Accessibility links

якшәмбе, 11 декабрь 2016, Казан вакыты 14:48

Omskida bäyräm çaraları däwäm itä


Yaña yılnıñ 2 atnağa yaqın suzılğan yal könnäre uzıp kitsä dä, aña bağışlanğan çaralar uzğan şimbä, yäkşämbe könnärendä dä däwam itte. Döres, bu yulı inde xäzer Rusiädä genä diärlek bilgelänä torğan, xalıq telendä iske yaña yıl dip yörtelgän yılnı qarşılaw buldı. Bäyräm çaraları elegräk üz xalıqları häm balalar öçen çırşı bäyrämnäre oyıştıru belän mäşgul'' bulğan milli oyışmalar citäkçeläre häm aktivistları öçen ütkärelde. Andıy bäyrämne şähär xaqimiäte “İrteş” kunakxanäsendä oyıştırdı. Tatarlardan bu kiçädä ölkä milli mädäni moxtariäte aktivistları häm “Umırzaya” ansamble äğzäläre qatnaştı. Anda urınbasarları belän şähär başlığı Yevgeniy Belov häm şähär şurası räise Aleksandr Simbalist buldılar. Kiçä barışında şähär başlığı ayıruça aktiv eşläwçe oyışmalar citäkçelärenä “Räxmät xatları” tapşırdı. Andıy xatlar ölkä häm şähär tatar milli - mädäni moxtariätläre citäkçelärenä birelde. Lälä xanım Alimovanıñ “Ömet belän yäşä” oyışması, sotsial'' yärdäm kürsätü ölkäsendä küp eş başqarğanı öçen maxsus maqtaw käğäze belän büläklände.

Ölkä başlığınıñ berençe urınbasarı Viktor Şreyder häm mädäniät mininstrı Vladimir Radul qatnaşında şundıy uq - iske yaña yılnı qarşılaw kiçäse Duslıq Yortında da ütkärelde. Biredä dä qayber büläklär buldı. Milli üzençälege bulğan büläklärne, milli rizıqlarnı oyışmalar citäkçeläre xakimiät wäkillärenä tapşırdılar. Duslıq yortı belän bik dus bulmasa da, kiçägä ölkä tatar milli – mädäni moxtariäte citäkçelege dä kilgän ide. Tatar moxtariätı däräcäle qunaqlarğa çäk-çäk büläk itte. Axrı xörmätläwdän küñelläre yomşağan xakimiät wäkilläre “bu yortta küpsanlı millätlär arasında çın duslıq xökem sörä ikän, ä yortığız kiñäytü, zuraytuğa moxtac” dip, Duslıq yortına kürşe toraq yortlar isäbennän östämä urın birergä wäğdä ittelär.

XS
SM
MD
LG