Ğiraqnıñ törle şähärlärendä bulğan höcümnärdä 23 keşe hälak buldı. Bağdadtan tönyaqkönçığışqa taba 55 çaqrımda urnaşqan Buhriz şähärendä 8 xärbi hälak bulğan. Tağın 8 keşe Bağdadtan 250 çaqrım yıraqlıqtağı Beiji şähärendä maşinağa quyılğan bombada şartlap ülgän. Alarnıñ 7se – polisiä xezmätkärläre. Bağdadnıñ könbatışında amerikan xärbiläre yanında maşina şartlağan, anda tınıç xalıqtan 3 keşe hälak bulğan. İlneñ könbatışındağı Ramadi şähärendä 4 mäyet tabılğan, alarnıñ berse genä xärbi, qalğannarı – sivil keşelär. Älege höcümnär – saylawçılarnı 30 ğinwar könne tawış urınnarına kitermäs öçen eşlängän buluğa oxşağan, dip xäbär itelä.
