Accessibility links

җомга, 9 декабрь 2016, Казан вакыты 07:04

Mähmüd Abbas fälestin iminlek köçlärenä İzraelgä qarşı höcümnärne tuqtatırğa quştı


Fälestin ministrı Qadoura Fares, Reuters mäğlümat agentlığına, Fälestin xakimiäte citäkçese Mahmud Abbas, iminlek köçlärenä İzraelgä qarşı höcümnärne tuqtatır öçen çaralar kürergä quştı, dip belderde. Bu xäbärne şulay uq ministrlar utırışında qatnaşqan mäğlümat ministrı Azam al-Ahmed da rasladı. İzrael, uzğan atnada Gazada bulğan höcümdä 6 İzrael keşese hälak bulğannan soñ, Abbas belän böten elemtäne tuqtattı. İzrael köçläre bügen ike qorallanğan fälestinlene atıp ütergän. Livan iminlek köçläre xäbär itüençä, İzraelneñ xärbi oçqıçları könyaq Livanda Hezbollah suğışçıları buluda şiklänelgän cirlärne utqa totqan. Añarçı Hezbolla İzrael belän çik buyında İzraelneñ ber tözeleş maşinasın şartlatuı turında xäbär itkän ide. Höcüm turında İzrael räsmilärennän älegä ber añlatma da yuq.

XS
SM
MD
LG