Accessibility links

якшәмбе, 11 декабрь 2016, Казан вакыты 01:30

Qazaxstannıñ Demokratik Saylaw partiäsen yabalar


Almata mäxkämäse Qazaxstanıñ oppozisiädäge Demokratik Saylaw partiäseneñ yabuğa qarşı tapşırğan möräcäğäten kire qaqtı. Firqa wäkilläre yuğarı mäxkämägä möräcäğät itäçäklären belderde. Almata prokuraturası ay başında partiäne milli iminlek qanunnarın bozuda ğayepläp – yabırğa digän xökem qararı çığarğan ide. Qazaxstanda oppozisiädäge Demokratik köçlärneñ koordinasiä şurası, Aq Zhol häm Kommunist firqaläre, Qazaxstannıñ Demokratik Saylaw partiäse tıyıluı – böten oppozisiägä yanaw bulıp tora, dide. Bügen Almatada süz irege torışın küzätkän "Ğadel Süz" oyışması citäkçese Tamara Kaleyeva, matbuğat oçraşuı uzdırıp, bıyıl Qazaxstanda mäğlümat çaraları irege çiklänergä oxşağan, dip belderde. Kiläse yılda ütäçäk prezident saylawları waqıtı yaqınlaşuı belän mäğlümat irege qısıla bara. Şulay uq Kaleyeva süzlärenä qarağanda, saylawlarğa äzerlek barışında mäğlümat çaraları häm ayırım jurnalistlarğa qarşı cinäyät eşläre kübräk bulaçaq. "Ğadel Süz" belderüendä, uzğan yıl Qazaxstanda 900 tapqır mäğlümat çaralarınıñ xoquqları bozılu oçrağı terkälgän, Qazax räsmiläre mäğlümat çaralarına qarşı 21 cinäyät eşe açqan, dielä.

XS
SM
MD
LG