Accessibility links

дүшәмбе, 5 декабрь 2016, Казан вакыты 07:25

Üzbäkstanda parlament saylawları näticäläre iğlan itelde


Üzbäkstanda uzğan yılnıñ 26 dikaberendä ütkän parlament saylawlarınıñ räsmi näticäläre iğlan itelde. Liberal Demokratik partiä parlamenttağı 120 urınnıñ 41ren alğan, xökümät yaqlı Xalıq Demokratik partiägä – 33 urın bulaçaq. Saylawlarda qatnaşqan 5 partiäneñ barısı da prezident İslam Kärimov säyäsäten yaqlıy. Tawış birüne küzätkän Yevropada İminlek häm Xezmättäşlek Oyışması wäkilläre, saylawlar demokratik standartlardan yıraq ide, dip belderde. Üzbäkstannıñ ber genä oppozisiä firqase saylawlarğa qatnaştırılmadı. Dönyada demokratiä torışın küzätüçe Amerika Quşma Ştatlarında urnaşqan Freedom House oyışması wäkillärennän torğan bäysez törkem, ay başında Üzbäkstan törmäsendä ülgän Samandar Umarov, cäzalardan tügel, üz üleme belän wafat bulğan, digän näticä yasadı. Samandar Umarov tıyılğan islam oyışması Hizb-ut-Tahrir eşçänlegenä qatnaşı buluda ğayeplänep törmägä utırtılğan ide. Anıñ ğailäse – tänendä cärähätlär bar ide, dip Umarovnıñ cäzalanıp üterelgän bulu ixtimalı turında belderep tikşerü ütkärüne sorağan ide. Ämma tuğannarı mäyetne yarırğa röxsät birmägän, bäysez tikşerüçelär – Üzbäkstan räsmiläre birgän mäğlümatlärgä nigezlänep nitäcä yasağan.

XS
SM
MD
LG