Blağoweşçen şähärendä qupqan şaw-şu däwam itä. Xäbär itüebezçä, şähärdä militsiä çistartu çaraları ütkärep, anda bik küp keşelär zıyan kürgän ide. Respublikanıñ Eçke eşlär ministrlığında bu uñaydan xezmät tikşerelüye ütkärelde. Anda milisiäneñ qanun bozmawı bilgelängän, şul uq waqıtta çaranı oyıştıruda häm ütkärüdä qayber xatalar buluı tanılğan. Ğäiplelärneñ cawaplılıqqa tarttırılaçağı atalğan.
Blağoweşçen xällären tikşerergä kilgän “Rusiäneñ keşe xoquqları öçen“ xäräkäte başı Lev Ponomarev häm Mäskäw Helsinki törkeme räise Lyudmila Alekseyevalar Mäskäwgä qaytıp kitte. Alar doqumentlar ber ay däwamında tikşerelgännän soñ General proquraturağa bireläçägen beldergän. Cirle matbuğat isä alarnı pıçratqan yazmalar birä başladı. Alarda xoquq yaqlawçılar Qorıltay räise Qonstantin Tolqäçev belän oçraşu waqıtı bilgeläp, kilmi qaluda, tögälsezlektä ğäiplänä. Blağoweşçenda Tübän Novğorodtan kilgän xoquqçılar törkeme eşli başladı.
