Accessibility links

чәршәмбе, 7 декабрь 2016, Казан вакыты 21:27

Yaponiädä tsunaminı aldan kürü sisteması turında söyläşälär


Yaponiäneñ Kobi şähärendä tabiğat faciğaların buldırmawğa bağışlanğan 5 könlek xalıqara cıyın däwam itä. Berläşkän Millätlär Oyışmasınıñ general sekretare Kofi Annan tasmağa yazılğan häm cıyın başında kürsätelgän, dönya cämäğätçelegenä möräcäğätendä , könyaq Aziä illärendä bulğan tsunamidan sabaq alırğa çaqırdı. Häläkät riskın kimetügä ni qadär kübräk aqça salınsa, tabiğat qazalarınnan şul qadär azraq keşe üläçäk, dide Annan: "Faciğadan soñ yardäm itü genä citmi. Bez sabaq alırğa, kiläçäktä mondıy faciğalar bulmasın öçen çaralar kürergä tieşbez," dide Kofi Annan. Kobi şähärendä 10 yıl elek bulğan köçle cir teträwdä 6 meñnän artıq keşe hälak buldı. Cıyınnıñ maqsatı Hind okeanında tsunaminı aldan kürü sistemasın buldıru yulların tikşerü. Mondıy sistemanıñ bulmawı arqasında 26 dikaber tsunami waqıtında 175 meñnän artıq keşe hälak buldı, millionlağan keşe yortsız qaldı.

XS
SM
MD
LG