Accessibility links

пәнҗешәмбе, 8 декабрь 2016, Казан вакыты 21:22

Peterburda wazğiät cayğa salına başladı


Uram cıyınına çığuçılar bulsa da, alarnıñ sanı küzgä kürenep kimi. Kiçä Gostinıy Dvor yanındağı cıyında da berniçä distädän artmıy ide. Xakimiät kürgän aşığıç çaralarnıñ da, añlatu eşläreneñ de näticäseder bu. Gubernator üze dä, törle komitetlarnıñ citekçeläre dä radio, televidenie arqılı daimi çığış yasap, xalıqnı tınıçlandırıp, eşlängän eşlerge xisap birep toralar. Kartoçka belän problem xäl itelgän diärlek. Aylıq biletlar bar tör pensionerlarğa da metro kassalarında bireleçek. "Biletlar barığızğa da citäçäk, aşıqmağız, 25 ğinwarda, studentlar, uquçılar alğan waqıtta barığızğa da kilergä kiräkmi. Seznen oçen, çiratlar bulmasın oçen sroknı ozayttıq, kartoçkalarnı fevral urtasına qädär alırğa bula, ä inde teläsägez, transport kompensatsiäsen aqçalata alığız,"- dip tınıçlandıra pensionerlarnı ğubernator. Kommunal xezmet oçen de 50 protsent taşlama barlıq lgotniklarğa da saqlanaçaq. Sanatorıylarğa yullamalar da citärlek bulaçaq: ütkän yılğı kebek 5 meñ tügel, e 50 meñ. Pensiä häm kompensatsiä ğinwarnın 26sına qädär tülänep betäçäk. Dokumentları tärtipkä kiterelmägän 40 meñ pensioner bu isäpkä kermi älbättä. 122-nçe federal qanunğa üzgereş kerter oçen xakimiät, xalıqnıñ teläklären dä küz uñında totıp, Qanunnar cıyılışı belän berlektä Mäskäwgä yazma täqdim äzerlilär. 15 ğinwarda Mäskäw prospektında bulğan faciğa buyınça cinayät eşe quzğatılğan, äle tikşeru eşlere bara. Tärtipsezleklär oyıştıruda ğäyple berniçä keşe dä cawapqa tartılaçaq.

Peterburgta eşler elege şulayraq tora, ä Leningrad ölkäseneñ Gatçina şähäre pensionerları kiçä monetizatsiägä qarşı protest belderep, säğät yarımğa şähärneñ üzäk yulın yapqannar. Gatçina pensionerları da taşlamalarnı qaldırunı taläp itäler, Gatçina transportında ğına tügel, ä Peterburnıqında da häm Peterburg- Gatçina elektriçkasında da. Çönki alarnıñ kübese Leningradqa yörep eşläp pensiägä çıqqan. Şulay bulğaç, alar mondıy taşlamanı sorarğa tulı xoquqları bar dip sanıylar.

Gölzada Kamalova, Peterburg

XS
SM
MD
LG