Accessibility links

якшәмбе, 4 декабрь 2016, Казан вакыты 23:34

Ğinwar axırına qädär Tatarstan pensionerları transportta buşlay yöriäçäk


Aldağı könnärdä xakimiät wäkilläre awız yomıp utırsa, 19 ğinwarda Tatarstan Prezidentı üz süzen äytergä buldı. Jurnalistlar belän oçraşu köndezge säğät 3-kä bilgelängän ide. Aña qädär Kreml’dä rayon başlıqları belän kiñäşmä bulğan. Ä aña qädär, respublika häm ere şähär citäkçeläre oçraşqan. Tatarstan Prezidentı, Mintimer Şäymiev, matbuğat oçraşuın başlağançı, bez bu könnärdä ber tuqtamıy şul taşlamalar turında uylanabız, dide. Küp sanlı kiñäşmälärneñ näticäsen xäbär itkändä Mintimer Şäymiev bolay dide:

«1nçe fevral’dän başlap taşlama urınına pensionerlarğa 200 sumlıq aylıq bilet alırğa täqdim itäbez. Barlıq pensionerlarğa. Federal qaramaqta bulğan pensionerlarğa da birelgän aqça xisabına şundıy uq bilet biräbez. Şähär başlıqlarına tiz arada aylıq biletlarnı buldırırğa quşıldı. Alarnı alu öçen tieşle käğäzlär cıyılu tärtibe ciñeläytelä. Militsiä xezmätkärlärenä dä şundıy uq taşlamalı aylıq bilet satıp alırğa täqdim itäbez. »



Prezident äytüençä, 200 sumlıq aylıq yul biletların här pensionerğa alırğa mömkinlek bula. Xezmät veteranı häm Suğışta qatnaşqan keşelärgä genä tügel. Federal qaramaqta bulğan pensionerlar da çit yat itep qaldırılmıy, alarğa federal byudjettan kilä torğan aqçadan, şuşı uq, yul yörü biletların alırğa täqdim itelä. Şähär transportına siräk utıra torğan ölkännärgä bilet urınına açqa da alıp bula, ämma ul oçraqta tramvay xaqın üzlärenä tülärgä turı kiläçäk. Mäktäp balaları häm studentlar öçen yul biletlarınıñ bäyäläre iskeçä 120 häm 150 sum däräcäsendä qala. Militsiä xezmätkärlärenä dä şundıy uq 200 sumlıq aylıq biletnı satıp alırğa täqdim itelä. Taşlamalı aylıq biletlarnıñ häm yul yörüneñ çın bäyäse arasındağı ayırmanı Tatarstan xökümäte respublika byudjetınnan qaplayaçaq. Ä federal qaramaqta bulğan pensionerlar öçen aqçanı Mäskäwdän sorayaçaqbız, dide Tatarstan Prezidentı. Transport mäs’äläsen xäl itü öçen 600 million sum totılırğa mömkin, dip xäbär itte Mintimer Şäymiev. Ä 20 ğinwardan başlap, 1nçe fevralgä ölkännär häm militsiä xezmätkärläre iskeçä, pensiä häm xezmät kenägäläre belän buşlay yöri ala.

Bikä Timerova.

XS
SM
MD
LG