Accessibility links

шимбә, 3 декабрь 2016, Казан вакыты 03:35

C.Rice raslaw tıñlawlarında diplomatiägä basım yasap, Ğıraq säyäsäten yaqladı


Prezident G.Bush ikençe möddätendä Condoleezza Ricene däwlät sekretarı itep bilgeläde. Sişämbedä Senatnıñ Tışqı Mönäsäbätlär Komitetındağı tıñlawlar ğomumän uñay atmosferada ütsä dä , qayber tänqitle soraw, qaraşlar da belderelde. Rice Senat tarafınnan raslansa Amerikanıñ çit illärdä in küp kürengän keşese-Colin Powellnıñ urının alaçaq.

C.Rice AQŞ Senatınıñ Tışqı Mönäsäbätlär Komitetında Yaqın Könçığışta demokratiä cäyelderü administratsiäneñ tışqı säyäsättä prioritetı bulıp tora dide. Rice AQŞnıñ Ğıraqtağı xärbi häm säyäsi strategieäsen yaqlap Waşington häm anıñ traditsion berektäşläre arasındağı upqınnın qala birüenä dä işarä itkän. Sonğı 4yılda G.Bushnıñ iminlek mäsälälärendäge ışanıçlı kiñäşçese bulıp torğan C.Rice senat tarafınnan raslansa däwlät sekretarı bularaq adminsitratsiä belän bigräk tä Ğıraq mäsäläsendä kileşep citmägän C.Powellnıñ urının alaçaq. Yaqın könçığışta demokratiäne cäyelderü mäsäläsendä Rice Y.Arafatnıñ üleme fälästinngä yaña saylawlar ütkärü mömkinçelegen birde , Äfganstanda ütkän közdä ütkärelgän saylawlar, ğıynuar azağında Ğıraqta ütäçäk parlament saylawları möselman dönyası öçen uñay ürnäk bulıp tora digän. (audio)

Äfganstanda wä Ğıraqta ireklekneñ uñışqa ireşüe töbäktäge reformaçılarğa ömed häm quät biräçäk, barğan reformalarnı tizlätäçäk.Marokkodan alıp Yordaniä Bahrainğa qädär saylawlar, xatın qız häm azçılıqlarnıñ yaqlanuın häm politik pluralizm başlanuın küräbez.

Riceneñ demokratiä turındağı borçıluları möselman dönyası belän genä çiklänmi .G.Bushnıñ V.Putin belän duslığına qaramastan Ul Rusiädäge demokratik oyışmalarnıñ problemalarına da işarä itte häm ike il arasındağı duslıqnıñ sonğı çiktä uñay näticäläre bulır digän ömed belderde.

C.Rice(audio)

Rusiädä demokratiä suqmağı sikältäle , uñış äle dä garantiälänmägän. Yaqın tarix bezneñ Rusiä belän urtaq problemalar östendä bergäläp eşli alaçağıbıznı kürsätte .Bez demokratiä mäsäläsenä basım yasarğa däwam itäçäk häm Rusiädä demokratiäne yaqlaw AQŞ-Rusiä mönäsäbätläreneñ kiläçäge öçen möhim dip añlataçaqbız.

C.Rice Balkanda Serbiä, Kosovo probelamalarınıñ xäl qılu zarurlığı turında da söyläde. Senatorlar Rice söylägännärenä ällä ni bäylänmädelär Ämma Riceneñ min citäklägän Däwlät Departamentı Ğıraq suğışınıñ kitergän ziannı beterü öçen nıq tırışaçaq, Xäzer diplomatiä zamanı digän süzlärenä qarata demokratik senator Joseph Biden , bolay digän

Biden(audio)

Minemçä ,bezneñ zur xärbi quätebezgä qaramastan bez yaqın tarixta ber qayçan da bulmağan qädär yalğız .Minemçä diplomatiä öçen waqıt küptän ütkän.Näticädä bez minem qaraşımça tieşledän azıraq iminräk

Prezident uırını öçen Bush belän yarışıp ciñelgän demokratik senator J.Kerry, Ğıraq suğışın planlaşatıruda Rice häm Bush administratsiäsen tänqitläp, älege säyäsät ğıysyannnı kimetäse urınğa arttıra ğına dip äytep, 30nçe ğıynuar saylawları administratsiä farazlağan näticäne kitermiäçäk, ğıysyan bälkim dä köçäyäçäk kenä dip äytkän. Rice adminsitratsiä saylawlarnıñ şunduq säyäsi totrıqlılıq kitermiäçägen belä, ämma bu Ğıraqta wazğiätne normalläşterü öçen atlanğan uñay adım digän cawap qaytarğan. Başqa ber demokratik senator Barbara Boxer bolay dip söyläde: Ğıraq suğışın aqlap Rice häm Bush administratsiäse cämäğätçelekne butadı, bereçedän alar Saddam küpläp üterü qorallarına iä dip äytep intervensiäse aqladı , qorallar tabılmağaç, administratsiä Saddam kürşelärenä qurqınıç tudıra,xalıqnı ezärlekli ide dip belderde .Boxer süzlärenä dewam itep Riceqa missiägä turılıqlı buluığız, suğışnı qabul itterü tırışlığığız , çınbarlıqnı kürüegezne tomaladı dide. Rice qorallar Ğıraq intervensiäse öçen berdänber säbäp tügel ide digän cawap birep , minem turılıqlılığıma şiklänep qaraudan tıyılırsız dip ömed itäm dip östäp quyğan. C.Powell kebek C.Rice da qara tänle ,senatta raslanğannan soñ ul AQŞnıñ berençe qara tänle däwlät sekretarı bulaçaq. Politik fännär häm xalıqara mäsälälär belgeçe C.Rice säyäsätkä qatnaşqançı Amerikanıñ abruylı universitetlarınnan berse Stanfortta profesor ide.Ul Ata Bushnıñ Milli iminlek Şurasında Sovet häm Könçığış Yevropa mäsäläläre İnstitunda direktor bulıp ta eşläde. färidä xämit
XS
SM
MD
LG