Accessibility links

шимбә, 10 декабрь 2016, Казан вакыты 02:14

Sergei Lavrov Rusiäneñ Ğiraq, İran häm AQŞ säyäsäten bilgeläde


Rusiä tışqı eşlär ministrı Sergei Lavrov bügen jurnalistlar aldında Rusiäneñ Ğiraq, İran häm Amerika Quşma Ştatlarğa qarata säyäsäten bilgeläde. Ğiraqta däwam itkän köç qullanu, 30 ğinwar saylawların xalıqara standartlarğa turı kiterep ütkärergä mömkinlek birmiäçäk, dide Lavrov, ämma saylawlarnıñ qanuni bulu – bulmawın, ğiraqlılar üzläre xäl itergä tieş: "Ğiraqnıñ waqıtlı xökümäte saylawlar uzdırunı kiräk dip tapsa häm saylawlar uzsa – qanuni yağın Ğiraq xalqı qararğa tieş," dide Lavrov. Rusiä tışqı eşlär ministrı İranda köç qullanuğa qarşı buluın belderde. İrannıñ atom programması mäs'äläsendäge nizaqqa hiçşiksez tınıç xäl çarası tabıp bula, dide Lavrov. Lavrov Rusiä häm AQŞ prezidentları arasındağı cılı mönäsäbätlärne iskä aldı häm Däwlät Serkretare itep bilgelängän Condoleezza Rice belän xezmättäşlek ixtimalı turında äytte. Rice'nıñ kiçä Senat aldında yasağan çığışında, Rusiä demokratiä yulınnan çitkä taypıla digän süzlärenä cawap itep, Lavrov – eçke säyäsät Rusiäneñ üz eşe, dip belderde.

XS
SM
MD
LG