Accessibility links

сишәмбе, 6 декабрь 2016, Казан вакыты 15:09

Ukraina: Yuğarı Mäxkämä Yuşçenko ciñüenä qarşı yasalğan möräcäğätne kire qaqtı


Yäkşämbe könne Viktor Yuşçenko Ukraina prezidentı bularaq ant itep wazıyfasına başlaw belän atnalardan birle däwam itkän säyäsi, xoquqi cäncal da tuqtalaçaq. Atnakiç irtänge säğätlärdä Yuğarı Mäxkämä Yuşçenkonıñ köndäşe Viktor Yanukoviçnıñ sonğı şiqäyäten kire qaqqannan soñ parlament ant itü könen bilgeläde.

Ukrainada aylarça däwam itkän säyäsi krizis Viktor Yuşçenkonıñ inaguratsiäse häm yaña xökümätneñ eş başına kilüe belän tämamlana. Atnakiç bik irtänge säğätlärdä Ukraina Yuğarı Mäxkämäse, eleke premyer häm prezident saylawlarında V.Yuşçenkonıñ köndäşe Viktor Yanukoviçnıñ bik küp keşe tawış birü xoquqınnan mäxrüm itelde digän şiqäyäten yaqlaw öçen citärlek dälil yuq dip kire qaqqan. Bu turıdağı qarar iğlan itelgänçe räsmi gazetalar ütkän aydağı saylaw näticälären basıp çığardı.Yuşçenko köndäşe Yanukoviçtan 8%qa kübräk tawış alğan ide sonğı tur saylawlarda.Atnakiç irtän Yuğarı Mäxkämä räise Anatoly Yarema qararnı iğlan itte

A.Yarema (audio)

Ukraina Yuğarı Mäxkämäseneñ sivil palatası qarar itte: prezident namzäte Viktor Yanukoviçnıñ, Üzäk Saylaw Komissiäseneñ 26nçe dikäberdäge prezident saylawları näticäse häm komisiäneñ prezident saylawları turında qabul itkän rezolutsiä häm 10nçe ğıynuarda iğlan itelgän näticälär turındağı möräcäğäte kire qağıla . Bu qarar qatğıy häm anı üzgärtü öçen möräcäğät itep bulmıy

Mäxkämäneñ şuşı qararı belän Ukrainada noyäber ayında ikençe tur prezident saylawlarında premyer Viktor Yanukoviçnı ciñüçe dip iğlan itü belän başlanıp kitkän säyäsi krizis tuqtala. Yanukoviçnıñ ciñüçe dip iğlan itelüennän soñ Yuşçenko tarafdarların Kievqa çaqıra. 100meñnnärçä keşe saylawlarda kiñ küläm xärämläşülär buldı dip könnärçä demonstratsiälär ütkärä . Yuğarı Mäxkämä nixäyät 26nçe dikäberdä saylawlarnı qabatlarğa digän qarar çığara. Äytep kitkän sonğı turda Yuşçenko ciñep çığa .Ämma ul şunduq kitäse prezident Leonid Kuçmanıñ urının alalmıy .Çönki köndäşläre mäxkämägä möröcäğät itep inaguratsiäne kiçekterä. İnde elek äytelgäneçä Yuğarı Mäxkämä qararı belän yulda torğan kirtälär cimerelde .Parlament inaguratsiäne yäkşämbe könne ütkärü buyınça qarar qabul itte. Yuşçenkonıñ wäkile Serhiy Vlasenko mäxkämä qararı turında

(audio)Vlasenko

Bu Yanukoviçnıñ xakimnärneñ qulın bäyläw häm alğa taba baru mömkinçelegen tuqtatu tırışlığı ide. Ämma Yuğarı Mäxkämä Yanukoviç törkeme belän tüzemlek kürsätep eş itte mäsälälärne qanun qısalarında qarap , säbäplärne tıñlap qanunğa nigezlängän qararlar çığardı

Yanukoviç häm anıñ advokatları öçen mäsälä tämamlanmağan alar Yevropa keşe xoquqları mäxkämäsenä möräcäğät itmäkçe. Ukrainanı Yevropağa yaqınlaştırırğa telägän Yuşçenko Rusiä belän belän traditsion elemtälärne saqlap qalu yağında . Ul kiläse atnada prezident bularaq Yevropa Şurasına vizit yasaunı planlaştıra.Urınınnan kitkän prezident L.Kuçma Yuşçenkonı täbrikläp belderü yasadı. Saylaw aldı kampaniäse waqıtında Yanukoviçnı yaqlağan Rusiä citäkçese V.Putin dä bügen Yuşçenkonı qotlağan. färidä xämit
XS
SM
MD
LG