Accessibility links

сишәмбе, 6 декабрь 2016, Казан вакыты 20:57

Ukraina prezidentı Viktor Yuçenkonıñ inaugurasiäse yäkşämbe könne ütäçäk


Ukraina parlamentınıñ 450 deputatınıñ 309zı, prezident itep saylanğan Viktor Yuçenko'nıñ inaugurasiäsen 23 ğınwar, yäkşämbe könne uzdırunı xuplap tawış birde. Aña qadär Yuğarı mäxkämä saylaw näticälärenä rizasızlıq beldergän ikençe namzät Viktor Yanukoviçnıñ soñğı möräcäğäten kire qaqtı. Mäxkämä räise Anatoly Yarema, bu – soñğı qarar, dip belderde: "Ukraina Yuğarı mäxkämäse prezidentlıqqa namzät Viktor Yanukoviçnıñ Üzäk Saylaw Komissiäse iğlan itkän tawış birü näticälärenä rizasızlıq belderep tapşırğan möräcäğäte kire qaqtı. Bu – soñğı qarar, üzgärtelä almıy," dide mäxkämä räise. Urınınnan kitüçe prezident Leonid Kuçma Yuçenkonı qotladı. Saylawlarda Yanukoviçnı yaqlağan Rusiä prezidentı Putin da Yuçenkoğa üz qotlawların cibärde. Putin Yuçenko'nı elekke sovetlar berlege illäre arasında berdäm iqtisadi zona säyäsäten däwam itergä çaqırdı. Yuçenko Yevropa Berlegenä kerü telägen belderde. Yanukoviç tarafdarları Yevropanıñ keşe xoquqları mäxkämäsenä möräcäğät itergä cıyına.

XS
SM
MD
LG