Accessibility links

сишәмбе, 6 декабрь 2016, Казан вакыты 19:13

Britaniä tışqı eşlär ministrı Jack Straw Qıtayda


Britaniä tışqı eşlär ministrı Jack Straw bügen Qıtayğa kilde. Uzğan atnada Straw, Yevropa Berlegeneñ Qıtayğa qoral satunı tıyu turında 15 yıl elek kertkän çikläwläre kiläse 6 ay eçendä beterelergä mömkin, dip äytkän ide. Qıtay tışqı eşlär ministrlığınıñ matbuğat wäkile Kong Çuang, çikläwlär ğamäldän çığarılsa, Qıtay belän Yevropa arasında mönäsäbätlär yaxşıraçaq, dip belderde: "Qoral satu embargosı beterelergä tieş, dip sanıybız. Çikläwlär Qıtaynıñ tärräqi itüenä häm Yevropa Berlege belän mönäsäbätlärenä turı kilmi. Çikläwlär betsä Qıtay küp itep qoral ala başlamayaçaq. Çikläwlär betsä – Qıtay belän Yevropa Berlege mönäsäbätläre alğa kitäçäk" dide Qıtay tışqı eşlär ministrlığı wäkile. Straw bügen Tokioda bulğanda, tışqı eşlär ministrı Nobutaka Maçimura, Yaponiä Qıtayğa qoral satunı tıyğan çikläwlärne beterügä qarşı, bu – böten könçığış aziä öçen qurqınıç tudıraçaq, dip belderde. Amerika Quşma Ştatları da bu ğamälgä qarşı çığa. Jack Straw Tokioda çağında, äle kiläse 2 ayda bu mäs'älädä üzgäreş bulmayaçaq, dide.

XS
SM
MD
LG