Uzğan proğrammabızda da xäbär itelüençä, islam dinendäge iñ zur bäyrämnärneñ berse – Qorban ğayıte Başqortstanda bıyıl da zurlap bilgelänä. Atnaqiç könne Ufadağı mäçetlärdä häm mäxällälärdä bäyräm wägäzläre häm namazları uqığannan soñ, Xoday räxmäte öçen yözlärçä baş mal qorban çalındı. Bäyräm çaraları comğa könne dä däwam itte. Comğa namazları uqığannan soñ, tağın qorban çaldıruçılar buldı. Älbättä, eş köne bulğanlıqtan, täwge köndäge kebek ük däräcädä küp tügel ide başqalada qorban kiterüçelär. Şulay da bu izge ğämäl öçen aldan uq kileşü buyınça rayonnardan baytaq qına sarıqlar kiterep quyılğan ide.
Ufadağı «İxlas» mäçete ixatasında din qardäşlärebez yıl sayın bik küp sanda qorban çaldıra. Xätta çit illärdä yäşäwçe millättäşlärebez dä aldan aqçasın cibärep üzläre häm tuğan-tumaçaları isemennän qorban çalu öçen möräcägät itä. Ä Amerikä Quşma Ştatlarınıñ San-Fransisqo şähärendä yäşäwçe Orqıya Safa şuşı oluğ bäyrämebezgä turı kiterep, äbi-babalarınıñ tuğan cirenä üze qaytıp töşkän. «İxlas» mäçete ixatasında qorban çaldıruçılar arasında bez anı da oçrattıq häm qısqaça ğına äñgämä qorıp aldıq.
(Orqıya Safa)
Sez San-Fransisqodan Ufağa kilgän millättäşebez Orqıya Safa belän äñgämäne tıñladığız. Orqıya xanım Tatarstan belän Başqortstanğa berençe tapqır 1997 yılda kilgän ikän. Şunnan birle anıñ Qazan belän Ufağa älege kilüe tuğızınçısı inde. «San-Fransisqoda millättäşlär törle bäyrämnärdä cıyılışıp çäy mäclesläre oyıştırsaq ta, anda qorban çaldıru mömkinleklärebez yuq, – di Orqıya xanım. – Xäzer menä Rusiägä kerü irege artqaç, Qorban ğayıten yıl sayın Qazan belän Ufada bäyräm itärgä tırışabız».
Ufadağı «İxlas» mäçete ixatasında din qardäşlärebez yıl sayın bik küp sanda qorban çaldıra. Xätta çit illärdä yäşäwçe millättäşlärebez dä aldan aqçasın cibärep üzläre häm tuğan-tumaçaları isemennän qorban çalu öçen möräcägät itä. Ä Amerikä Quşma Ştatlarınıñ San-Fransisqo şähärendä yäşäwçe Orqıya Safa şuşı oluğ bäyrämebezgä turı kiterep, äbi-babalarınıñ tuğan cirenä üze qaytıp töşkän. «İxlas» mäçete ixatasında qorban çaldıruçılar arasında bez anı da oçrattıq häm qısqaça ğına äñgämä qorıp aldıq.
(Orqıya Safa)
Sez San-Fransisqodan Ufağa kilgän millättäşebez Orqıya Safa belän äñgämäne tıñladığız. Orqıya xanım Tatarstan belän Başqortstanğa berençe tapqır 1997 yılda kilgän ikän. Şunnan birle anıñ Qazan belän Ufağa älege kilüe tuğızınçısı inde. «San-Fransisqoda millättäşlär törle bäyrämnärdä cıyılışıp çäy mäclesläre oyıştırsaq ta, anda qorban çaldıru mömkinleklärebez yuq, – di Orqıya xanım. – Xäzer menä Rusiägä kerü irege artqaç, Qorban ğayıten yıl sayın Qazan belän Ufada bäyräm itärgä tırışabız».
