Rusiä prezidentı Vladimir Putin keşelär iminlegen tä'min itkän däwlät programmaların üzgärtü kiräklege turında belderde. "Uzğan yılda törle xalıqara cinäyätçelär tarafınnan terror ğamälläreneñ oyıştırıluı, däwlätneñ iminlek ölkäsendäge eşçänlegen üzgärtü kiräklegen kürsätte. Rusiä watandaşları xakimiätlärdän, cinäyät eşlären açu, alarnı qıluçılarnı cäzağa tarttıru, üz xoquqların yaqlaw mäs'äläsendä konkret çaralar kötä" , dide Rusiä prezidentı.
Bu süzlärne Putin bügen prokurorlar aldında äytte. Şulay uq prezident çığışında, terrorçılarnıñ millätara häm dinara nizaqlarnı buldıru tırışlıqların aldan kisätü kiräklege turında da äytelde.
