Bügen Kievta Ukrainanıñ yaña prezidentı itep saylanğan könbatış taraflı oppozitsiä citäkçese Viktor Yuçenkonıñ prezidentlıqqa ant kiterü tantanası ütte. Ukraina parlamentı, Yuğarı Radada ütkän çarada 60tan artıq ilneñ wäkile qatnaştı, şul isäptän, Quşma Ştatlarnıñ wazifasınnan kitüçe däwlät sekretare Colin Powell, Çexiäneñ elekke prezidentı Vaclav Havel. Rada räise Volodymyr Lytvyn tantananı açıp, Yuçenkonı utırışılar zalına çaqırdı:
Audio
Borıñğı Täwrat kitabınıñ Ukrain telendäge berençe nösxäsenä uñ qulın quyıp Yuçenko ant kiterde:
Audio (Viktor Yuçenko)
"Min, Viktor Yuçenko, xalıq ixtiarı belän Ukraina prezidentı bulıp saylanğan, şuşı yuğarı wazifağa kereşkändä, Ukrainağa tuğrı bulırğa ant itäm. Bar köçem belän Ukrainanıñ möstäqillegen häm bäysezlegen saqlarğa, watanım häm Ukraina xalqınıñ xälen qayğırtırğa, watandaşlarnıñ xoquqların häm ireklegen yaqlarğa, Ukraina Konstitutsiäsen häm qanunnarın ütärgä, wazifalarımnı watandaşlar mänfäğätendä başqarırğa, Ukrainanıñ dönyadağı abruyın kütärergä wäğdä itäm."
Ant itkännän soñ Yuçenko Täwrat kitabın üpte, "Bezneñ Ukraina" fraksiäse deputatları anıñ isemen qıçqırıp sälämäläde:
Audio
Mönbärdän yasağan qısqa ğına bäxilläşü çığışında Yuçenko här deputatnı, kem yaqlı buluına qaramastan, xezmättäşlekkä çaqırdı:
Audio (Viktor Yuçenko)
"Bügen min här deputatnı, här fraksiäne, här fraksiä citäkçesen qul birep xezmättäşlekkä çaqıram. Bezneñ maqsatıbız urtaq – çäçäk atuçı demokratik Ukraina."
Rada deputatları häm yuğarı qunaqlar aldında yasağan çığışında Yuçenko bu tantananı Ukrainada demokratiäneñ zur ciñüe dip atadı:
Audio (Viktor Yuçenko)
"Bügenge tantana tağın ber tapqır Ukraina milläteneñ häm däwläteneñ barlığın raslıy. Ukraina wtandaşları ğädel saylawlarğa ireşte. Xakimiät qanuni räweştä tapşırıla. Bu zur ciñü."
Parlametta ütkän tantanadan soñ Yuşenko cäyäwläp Marianski prezident sarayına bardı häm anda ütkän qısqa ğına xärbi çarada ilneñ Yuğarı xärbi citäkçese itep raslandı.
Şunnan soñ Kiev üzägendäge Bäysezlek mäydanına barıp Yuçenko anda cıyılğan yözlägän meñ tarafdarın sälämläde, alar aldında prezidentlıq antın qabatladı. Näq şuşı mäydanda meñlägän keşeneñ atnalar buyı xärämläşü belän ütkän saylawlarğa protest belderüe näticäsendä Premier-ministr Viktor Yanukoviç ciñde digän saylawlar näticäse köçtän çığarıldı, qabat saylawlar bilgelände. Alarında Viktor Yuçenko ciñdep çıqtı.
-Ali Gilmi
Audio
Borıñğı Täwrat kitabınıñ Ukrain telendäge berençe nösxäsenä uñ qulın quyıp Yuçenko ant kiterde:
Audio (Viktor Yuçenko)
"Min, Viktor Yuçenko, xalıq ixtiarı belän Ukraina prezidentı bulıp saylanğan, şuşı yuğarı wazifağa kereşkändä, Ukrainağa tuğrı bulırğa ant itäm. Bar köçem belän Ukrainanıñ möstäqillegen häm bäysezlegen saqlarğa, watanım häm Ukraina xalqınıñ xälen qayğırtırğa, watandaşlarnıñ xoquqların häm ireklegen yaqlarğa, Ukraina Konstitutsiäsen häm qanunnarın ütärgä, wazifalarımnı watandaşlar mänfäğätendä başqarırğa, Ukrainanıñ dönyadağı abruyın kütärergä wäğdä itäm."
Ant itkännän soñ Yuçenko Täwrat kitabın üpte, "Bezneñ Ukraina" fraksiäse deputatları anıñ isemen qıçqırıp sälämäläde:
Audio
Mönbärdän yasağan qısqa ğına bäxilläşü çığışında Yuçenko här deputatnı, kem yaqlı buluına qaramastan, xezmättäşlekkä çaqırdı:
Audio (Viktor Yuçenko)
"Bügen min här deputatnı, här fraksiäne, här fraksiä citäkçesen qul birep xezmättäşlekkä çaqıram. Bezneñ maqsatıbız urtaq – çäçäk atuçı demokratik Ukraina."
Rada deputatları häm yuğarı qunaqlar aldında yasağan çığışında Yuçenko bu tantananı Ukrainada demokratiäneñ zur ciñüe dip atadı:
Audio (Viktor Yuçenko)
"Bügenge tantana tağın ber tapqır Ukraina milläteneñ häm däwläteneñ barlığın raslıy. Ukraina wtandaşları ğädel saylawlarğa ireşte. Xakimiät qanuni räweştä tapşırıla. Bu zur ciñü."
Parlametta ütkän tantanadan soñ Yuşenko cäyäwläp Marianski prezident sarayına bardı häm anda ütkän qısqa ğına xärbi çarada ilneñ Yuğarı xärbi citäkçese itep raslandı.
Şunnan soñ Kiev üzägendäge Bäysezlek mäydanına barıp Yuçenko anda cıyılğan yözlägän meñ tarafdarın sälämläde, alar aldında prezidentlıq antın qabatladı. Näq şuşı mäydanda meñlägän keşeneñ atnalar buyı xärämläşü belän ütkän saylawlarğa protest belderüe näticäsendä Premier-ministr Viktor Yanukoviç ciñde digän saylawlar näticäse köçtän çığarıldı, qabat saylawlar bilgelände. Alarında Viktor Yuçenko ciñdep çıqtı.
-Ali Gilmi