Accessibility links

җомга, 9 декабрь 2016, Казан вакыты 01:11

Ğiraqta köç qullanular däwäm itä


Bağdad -- Bügen Bağdadnıñ tönyağında bomba şartlaw näticäsendä 6 keşe, şul isäptän ber ana häm anıñ balası häläq buldı. Bağdadtan 200 çaqırım, Baici qalasında yul bombası şartlaw näticäsendä 3 uqıtuçı ülgän. Tikrit yanındağı Xurmatu qalasında ğisyançılar ber Ğiraq xärbien ütergän. Könyaqtağı Nasiriä şähärendä xastaxanädä ut betü säbäple 12 keşe ülgän.

Bügen Ğiraqnıñ waqıtlı premier-ministrı Ayad Allawi kiläse atnada ütäçäk saylawlar ildäge köç qullanularnı beterergä yärdäm iter digän ömet belderde. BBC televideniesendä çığış yasap Allawi, Ğiraq säyäsi yul belän demokratiägä taba barırğa teli, dide. Amerikan xärbilären Ğiraqtan çığaruğa kilgändä, bu turında söylärgä äle irtä dide ul.

Ul arada Ğiraqta töp terrorçı dip sanalğan Äbü Musab Äl-Zarqawi üzeneñ yaña möräcäğätendä kiläse yäkşämbedä ütäçäk saylawlarğa suğış iğlan itte. İslamçılarnıñ İnternet säxifäsenä quyılğan audio-tasmada ul, bu saylawlarnıñ maqsatı – Ğiraqnı "käfer" şiğilär qulına tapşıru dide.

Tawış birü waqıtında terror ğämälläre buldırmas öçen Ğiraq räsmiläre köçäytelgän iminlek çaraları küräçägen iğlan itte. Waqıtlı eçke eşlär ministrı Falah Äl-Näqib süzlärençä, şähärlärdä tönge komendant säğätläre kertelä, töbäklär arasında xäräkät itü, qoral yörtü tıyılğan bulaçaq. Ğiraqnıñ çikläre yabılıp quyılaçaq.

XS
SM
MD
LG