Accessibility links

пәнҗешәмбе, 8 декабрь 2016, Казан вакыты 07:02

Fälästin prezidentı Abbas radikallar belän kileşü mömkinlegenä nıq ışana


Fälästin citäkçese Mahmud Abbas militantlar belän İzraelgä höcümnärne tuqtatu turında yaqın kiläçäktä kileşügä ireşeläçäk dip kötüen belderde. Fälästin Aftonomiäseneñ yaña prezident,ı Hamas, İslam Cihadı häm başqa suğışçan fälästin fraksiäläreneñ citäkçeläre belän söyläşülär alıp bara. İzraeil dä totnaqlıq kürsätergä äzer tora.

Fälästun Aftonimiäseneñ prezidentı Abbas qatı qul taraftarı fälästin köräşçelären auızlıqlau mäsäläsendä uñışqa taba bara kebek. Abbas Yäkşämbedä İzraelgä höcümnären tuqtatuları öçen militantlar belän kileşü aldında toruın beldere. Bu körçekkä terlgän solıx protsesın xäräkätkä kiterä öçen şart bulıp tora.

Audio

"Bu törkemnär belän külämle söyläşülär buldı. Härkem cavaplılığın sizä häm xäzerge problemmalarnı xäl qılırğa kiräklegen añlıy . Şulay uq İzraeilneñ üç alu höcümnären dä tutatırğa kiräk. Min dialog yaqın kiläşäktä kileşügä alıp baraçaq dip äytä alam."

Abbas Hamas, İslam Cihadı häm başqa radikal fälästin oyışmaları citäkçeläre belän säyläşer öçen üzeneñ ştab kvartirın Könbatış Üzännän Gaza sızığına küçerde. Kileşü mömkinlegeneñ buluı turınağı berene xäbär İzraeldän kilde. Saqlanu ministere Şaul Mofaz , Abbas, Hamas häm İslam Cihadınnan İzrailgä höcümnären tuqtataçaqları turında väğdä aldı dip belderde. Läkin, vaqıtınnan alda yasalağan bu belderü, suğışçan fälästin oyışmalarınıñ monı kire qağuına , älegä ber nindi dä kileşügä ireşelmägän buluın belderülärenä kiterde. Şulay da kire qaqqan belderülärneñ bik saqlıq belän yasalğan buluı, moña ömet tudıra. İzrael premiereneñ urınbasarı Şimon Peres Abbasnıñ eşçänlegenä yuğarı bäyä birde.

Audio

"Abbas üzeneñ citdi buluın, äytkänen eşlärgä tırışuın kürsätte . Bu bik möhim häm uñay täräqqiät. Bu şulay uq Fälästinnär belän bezneñ arabızdağı mänäsäbätlärneñ infrastrukturasınıñ texnologik tügel, ä politik buluın kürsätä. Bu qorallar tügel, ä xalıqlar arasındağı mönäsäbätlär."

Abbas Fälsätin iminlek köçlären Gazanıñ Tönyağında urnaştırdı. Bu çara fäslästin radikallarınıñ annan torıp İzraelgä raketalar belän höcümen buldırmaunı küz aldında tota. Atışlarnı tuqtatu kileşüeneñ tözeläçägenä ömet tusa da, Xalıqara mönäsäbätlär buyınça Gollandiä institutınıñ belgeçe Alfred Pypers saqlış kürsätergä çaqıra.

Audio

"Elek tä atışlarnı tuqtatu kileşüläre täzelgän ide. Xäzergese ike-öç atna ğına tügel, ä mängelekkä dävam itärgä tieş. Ägär dä biş-altı atnadan soñ fälästinnär qoralların yañadan üz qullarına alsalar, İzrael yañadan üç alaçaq häm bez başlanğıçqa kire qaytqan bulaçaqbız."

Abbasnıñ prezidentlıq vazıyfasın başlauına ike atna ğına vaqıt ütte. İnde atışlarnı tuqtatu kileşüenä ireşelsä , bu köndälek tormışnı yaxşırtuğa häm kiläçäktäge progressqa öleş kerter ide.

Färit İdelle, Praga.
XS
SM
MD
LG