Accessibility links

пәнҗешәмбе, 8 декабрь 2016, Казан вакыты 03:24

Xakimiätlär sotsial reformadan baş tartırğa cıyınmıy


Qayber taşlamalar kire qaytarılsa da, xakimiätlär monetizatsiädän baş tartırğa cıyınmıy. Şuşı sotsial reforma öçen cawaplı ministrlıqlarğa töp iğtibarnı taşlama mäs’äläsenä yünältergä quşıldı. Xätta xökümät räise dä waqıtlıça başqa möhim eşlären qaldırıp, monetizatsiä belän genä şöğellänäçäk ikän. Ütkän yal könnärendä xökümät räise erele-waqlı citäkçelärne çaqırtıp, zur kiñäşmä ütkärde häm anda taşlamalarnı aqçağa alıştıru tärtibe turında süz alıp bardı. Andıy cıyılışlar Yaña yılğa qädär dä küpläp uzdırılğan ide, ämma ul waqıttağı söyläşülär «barısı da yaxşı bulaçaq» digän ruxta buldı. Läkin xäzer xällär bötenläy başqa, uram cıyınnarınnan soñ zur citäkçelek yañadan bu mäsälgä qaytırğa mäcbür buldı. Şulay itep, şimbä ütkärelgän kiñäşmädä ölkännär öçen dokument tuplaw eşen mömkin qädär ciñeläytergä, alarnı busağadan-busağaga yörtmäskä, digän kürsätmä birelde. Töp iğtibar transportta yörü öçen taşlamalı aylıq biletnı birü tärtibenä birelde. Belgänegezçä, aylıq biletlarnı 200 sumğa alıp bula. Taşlama urınına aqça alğan pensionerlar birelgän 200 sumğa şuşı aylıq biletnı ala ala. Ä xezmät veteranı bulmağan, suğışta qatnaşmağan ğadi pensionerlarğa şuşı biletlarnı üzlärenä satıp alırğa täqdim itelä. Militsiä xezmätkärläre dä alarnı üz aqçasına alaçaq. Mondıy transport biletları respublikanıñ här rayonında bulaçaq, anıñ öçen cirle xakimiätlär transport oyışmaları belän ayırım kileşülär tözep, taşlamalar birgän öçen açqa küçerergä tieş. Şundıy uq, taşlamalı aylıq biletlar, timer yulda yörer öçen da täqdim iteläçäk. Maxsus yul yörü biletları inde bastırılğan, 27 ğinwarda alar satuğa çığa.

Bikä Timerova

XS
SM
MD
LG