Accessibility links

сишәмбе, 6 декабрь 2016, Казан вакыты 13:19

Tatarstan Milli kitapxanäse oyışuğa 140 yıl


24 ğinwar könne Tatarstan Milli kitapxanäse oyışuğa 140 yıl tuldı.Tatarstanda Rossiädäge, yaqın häm yıraq çit illärdäge tatar uquçılarına xezmät kürsätüçe kitapxanälär belän elemtäläre bulğan berdän ber zur kitapxanä- ul Tatarstan Milli kitapxanäse. Tatar mädäniäten tanıtu üzäge, tatar kitabın häm respublika turındağı ädäbiätne tuplaw, saqlaw, taratu mä’säläläre belän maqsatçan räweştä şöğellänä torğan mädäniät uçağı. Milli kitapxanä Tatarstan xalıqları mädäni mirasınıñ ayıruça qimmätle xäzinäläre isäbenä kerä. Närsä genä saqlanmıy bu kitapxanädä. Bu kitapxanädä respublikanıñ mädäni häm fänni qazanışların yaqtırtqan dokumentlar da saqlana. Anda 3 mlnnan artıq kitap , şul isäptän tatar telendäge 98 meñ , çit tellärdäge 78 meñ kitap tuplanğan. Yıl sayın kitapxanä belän faydalanuçılar sanı 60 meñ keşedän artıp kitä ikän. Kitap birü küläme- 2 mln 300 meñ danä. Bügen anda xalıqqa xezmät kürsätüçelär 230 xezmätkär. Kitapxanäneñ citäkçese Nail Kambievnı tıñlıyk äle. Nail' äfände, menä internettağı sezneñ kitapxanä säxifäsenä kerep qarasañ , kürenä Tatarstandağı 18 şähär belän häm 170 näşriät turında sezdä mäğlümat bar. Tatarstannan çittä yäşäp, başqa regionnarda bastırılğan tatar kitapları sezdä cıyılamı? “ Rossiädäge 70 tän artıq töbäktäge 17 kitapxanä belän elemtädä torabız. Küptän tügel Penza ölkäsendä bulıp qaytım, Rossiä küläm kitapxanäçelär cıyılışında. Alarnıñ gubernator urınbasarı alarğa 50 meñ sum aqça bülep birde. Perm ölkäsendäge tatarlarnı tä'min itüçe kitapxanälärgä şul 50 meñgä 60 posilka cibärdek. 28 ilneñ kitapxanäse belän solıx tözep üzebezdä bulğan kitaplarnı cibäräbez. Tatarstan xökümäte kitapxanäçelärgä bik yärdäm itä. Yaña binalar birelä, rayonnarda da kitapxanälär açıla. Menä üzebezneñ Kreml'dä dä bıyıl ike bina açılırğa tieş: siräk kitaplar häm kitaplarnı restavratsiäläy bülege. Barlığı 1646 kitapxanä bar ide. Bügenge köndä tuzğan binalarda urnaşqan 10лап kitapxanälär yabıldı. Çit illär belän bäyläneş: 4 yıldan artıq Amerika , Almaniä üzäkläre eşli. Amerika wäkilçelege bezgä 15 sanaq birde. Rusiädä 60-70 töbäktä Amerikanıñ kul'tura üzäkläre açılğan. Alar bezdä ingliz tele däresläre ütkärälär, tatar tarixı belän dä qızıqsınalar. Tatarstanda çıqqan härber tatar kitabı Amerikanıñ Kongress kitapxanäsendä bar”. Sez Tatarstan Milli kitapxanäse citäkçese Nail' Kambiev belän äñgämä tıñladığız.

Azatlıq radiosı Mälikä Basıyr Qazan .

XS
SM
MD
LG