Accessibility links

чәршәмбе, 7 декабрь 2016, Казан вакыты 19:26

Ğiraqta terrorçı äz-Zärqäwineñ ike yuğarı yardämçese totıldı


Ğiraq xökümäte İordaniäle terrorçı Äbü Musab äz-Zärqäwineñ ike yuğarı yardämçese totıldı dip belderde. Belderüdä Ğiraq iminlek köçläreneñ Sami Möxämmät Säit äl-Cäfne totuı turında äytelä. Äbü Ümär äl-Kudri iseme belän dä mäğlüm bulğan bu keşe 32 höcüm öçen cawaplı dielä. 2003-neñ avgustında Bağdadtağı BMO baş idaräsendä 20 keşene, şul isäptän BMOnıñ Ğiraqtağı wäkile Sergio Viera de Mellonı ütergän höcüm öçen dä ul cawaplı dielä. Qulğa alınuçılarnıñ ikençese Äz-Zärqäwineñ propaganda törkeme öçen cawaplı Xämät Möxsin äd-Dulaymi dielä. Bügen Ğiraqnıñ küçeş çorı premyer ministrı İyad Älläwi citäklägän partiäneñ baş fatirı yanında intixarçı maşinada bomba şartlarttı. 10 keşe, şul isäptän 8 politsiä xezmätkäre yaralandı. Höcüm öçen cawaplılıqnı äz-Zärqäwi törkeme üz östenä aldı.

XS
SM
MD
LG