Accessibility links

дүшәмбе, 5 декабрь 2016, Казан вакыты 05:21

Möselman ziratında wäxşilek


Mäskäwdä qorban bäyräme könnärendä Danilov monastırendä urnaşqan möselman ziratında wäxşilek ğälämätläre bulğan. 21nçe ğinwardan 22 senä qarşı töndä tatar ziratında 10 qäber taşı qubarılıp alınğan , qayberäwläre watılıp taşlanğan. Bu zirat Mäskäwneñ urtasına urnaşqan iske ziratlardan sanala. Xäzer inde ul Mäskäwdä äle yaña ğına tözelgän öçençe transport bocrası dip atalğan olı yul östendä qaldı. «Moskovskiy komsomoles» gazetası yazuına qarağanda, zirat qarawılçıları bu qäber taşların cimerüne ber keşe eşlägän bulırğa tieş. Qäber taşları Mäxmüt Esambaev qäbere yanındağı qäberlär östennän alıp taşlanğan.

Zirat qarawılçıları qäber taşları watılğannarnıñ ğailälärenä xäbär itkän. Bügenge köndä ul taşlar torğızıla. Çönki alarnıñ kübesen bötenläy watılıp betmägän. Barı tik berketelgän timer çıbıqtan ayırıp qına alıp taşlanğan. Ä menä zirat wäxşiläre berdänber , äle ike yıl elek kenä wafat bulğan, tatarlarğa bilgele şäxes. eşquar, üzençälekle tärtibe belän istä qalğan Fuat Yusupovnıñ qäber taşı qatı zıyan kürgän.

Wäxşi Fuat Yusupovnıñ qäber taşın ğına awdarıp qalmağan, xätta qäber räşätkäse berketelgän çılbırnı da özgän. Fuat Yusupovnıñ qızı Dinaranıñ äytüenä qarağanda dip yaza gazeta. Fuat Yusupov qäbere belän mondıy wäxşilek berençe tapqır ğına tügel ikän inde. Xätta anıñ qäberennän ğailäse alıp kilgän çäçäklärne urlap, wäxşileklär yasap toralar ikän dip yaza “Moskovskiy komsomoles» gazetası.

Xäzerge waqıtta bu wäxşilekne tikşerü bara. Danilov ziratındağı bu wäxşilek Qorban bäyräme könnärendä eşlänğene öçen, tikşerüçelär bu xälne, biredä kümelgännärneñ tuğannarınnan üç alu dip kenä qaramıy, bälki, möselman bäyräme könnärendä maxsus eşlängän wäxşilek dip tä farazlıy.Häm bu faraz döreslekkä yaqın kilergä oxşıy da. Bu tatar ziratındağı wäxşilek xaqında barlıq mäğlümat çaraları da xäbär itte inde. Ä menä yaña ğına internettağı “Grani.ru” gazetası bu wäxşilekne başqaruçılar totılğan, läkin şunda uq azat itelgän dip xäbär itä. Çönki alar 14-15 yäşendäge ike yäşüsmerlär bulıp çıqqan. Alar çınlap ta möselman ziratında qäber taşların awdarunı tanığannar, läkin yäşläre cinayät eşe açu öçen citärlek bulmağanğa alarnı irekkä cibärgännär dip yaza gazeta. Menä şulay. Qorban bäyrämendä möselman ziratında wäxşilek yasalğan, ğäyeplelär tabılğan, läkin alarnıñ wäxşilege öçen berkem dä cawap birmäyäçäk.

Näzifä Kärimova, Mäskäw.

XS
SM
MD
LG