Accessibility links

чәршәмбе, 7 декабрь 2016, Казан вакыты 11:41

Tatarstan xökümäte: "Taşlamalar beterelmäde, ä aqçalata tüläwgä äyländerelde."


25 ğinwarda Ministrlar kabinetında monetizatsiägä bağışlanğan brifing uzdı. Anda sotsial mäsälälär öçen cawaplı ministrlıylar oyışmalar citäkçeläre qatnaştılar. Brifingnı premyer-ministr urınbasarı Zilä Wälieva başladı. Ul taşlamalarnı aqçalata tüläwlärgä küçerü reforması başında federal üzäktä häm töbäklärdä kilep çıqqan wäzğıätne olı keşeneñ psixologiäse isäpkä alınmawı belän añlattı. Yäğni olı buın, pensionerlar taşlamalar belän närsä bulğanıñ añlamadılar. Kübesençä şunıñ belän “taşlamalarnı beterdelär” digän tezisnıñ kilep çığuı da añlatıla. “Taşlamalar yuqqa çığarılmadı, ä aqçalata tüläwgä äyländerelde”-dide premyer ministr urınbasarı. Xakimiät taşlama iälärenä şähär transportın tüläwle yasawnı citdi xata buldı dip sanıy. Mäğlüm ki Tatarstanda uzğan yıl azağında häm yıl başında barğan qarşılıq aksiäläreneñ töp säbäbe transportqa tüläw mä''äläse bulğan ide. Qarşılıq aksiäläre näticäsendä Tatarstan xökümäte uzğan ber atna eçendä biş qarar qabul itkän häm ike qararnı üzgärtkän. Qabul itelgän qararlarda aqçalata tüläwlärgä dokumentlar tapşıru, subsidiälärne alu tärtipläre ansatlaştırılğan. Töp üzgäreşlär prezident qararı nigezendä eşlängän. Mäğlüm ki Tatarstanda pensionerlarğa fevral''gä xätle şähär transportı elekkeçä buşlay qaldırıldı. Ä berençe fevraldän barlıq tör taşlama iälärenä dä, pensionerlarğa da ike yöz sumlıq aylıq bilet bireläçäk. İnde öç yöz meñ bilet äzerlängän häm rayonnarğa taratılğan. Barlığı biş yöz meñ bilet äzerlänep taratılaçaq ikän. Ministrlar kabinetınıñ monetizatsiä reformasın “yomşartu” qararlarına byudjettan östämä ber milliard yöz million sum aqça kiräk bulaçaq. Älege qararlar häm aqçalar çärşämbe könne Däwlät Şurası utırışında raslanaçaq. Läkin bu çığımnar belän genä sotsial'' reformalar “tişekläre yamalıp” betärme äle bilgesez. Çönki Tatarstan bıyıl Rusiädä berençelärdän bulıp toraq-kommunal'' xucalıq reformasına da kereşä. Brifingta älege reforma turında şaqtıy caylı ğına añlatılsa da bu reforma turında söyläwne kiçekterep toram äle xörmätle tıñlawçılarıbız. Monitizatsiä reformasın añlatqanda da bik caylı kebek ide dä şul.

Yunıs Ätnäle

XS
SM
MD
LG