Kiläse pänceşämbedä Auşwits konslagerınıñ natsilardan azat itelüenä 60 yıl tulu uñayınnan bügen Berlinda çığış yasap Schroeder anti-Semitizmğa qarşı köräş barlıq cämğiätneñ burıçı dide.
Parijda Fransiä prezidentı Jacques Chirac ta ikençe bötendönya suğışı çorında 6 millionlap yähüdne ütergän Holokostnı iskä aldı. Chirac Fransiädän Natsi ülem lagerlarına ozatılğan 76 meñ yähüdneñ isemnäre çoqıp yazılğan diwarğa baş ide. Strassburgta Yewropa Şurası oçraşuı waqıtında älämnär bügen yartılaş töşerelde häm Yewropa xalıqları rasizmğa häm anti-semitizmğa qarşı köräşkä çaqırıldı.
