Accessibility links

Кайнар хәбәр

Ğiraqta boralaq töşep cimerelü näticäsendä 31 AQŞ xärbie hälak buldı


Bügen AQŞ xärbilären Ğiraqnıñ könbatışına küçerüçe amerikan boralağı könbatıştağı çüldä qazağa yulıqtı. AQŞ xärbiläre qorbannar bar dip belderde. Ämma sannarnı äytmäde. Xäbär agentlıqları belderüençä 31 keşe ülgän. Bu xäbär döres bulsa, bügenge qaza Ğiraq suğışı başlanğannan birle beryulı iñ küp yuğaltu kitergän qaza bulaçaq. Pentagon ülüçelär sanı turında berni dä äytmi. Boralaq Rutbah şähäre yanında töşep cimerelgän. Ul qaza näticäsendä töşkänme, bärep töşergännärme anısı älegä bilgele tügel. Bügen monnan tış 4 amerikan xärbieneñ könbatıştağı şul uq wilayättä operatsiä barışında hälak buluı turında äytelgän ide. Daluiya şähäre yanında ğisyançılar amerikan kizüenä höcüm itep 1 solatnı üterde, ikene yaraladı. Kirkük yanında ğisyançılar öç maşinada bomba şartlatıp kimendä 7 ğiraqlını üterde. İke bomba ber ük waqıtta diärlek armiä sağı yanında, häm politsiä binası yanında şartlağan. Öçençe bomba 15 minut soñraq şartlağan. Bağdad xalıqara hawa alanı yulında AQŞ xärbi konvoyı üzıp barğanda maşinağa quyılğan boma şartlap 4 soldatnı yaraladı.
XS
SM
MD
LG