Accessibility links

Кайнар хәбәр

Tähranda İran prezidentı Möxämmät Xatami belän Äfğänstan prezidentı Xämit Karzai oçraştı


Alar ike ilne totaştıruçı Doqaran-Hirat yulın açarğa kileşte. Bu yulnı açu İran belän Äfğänstan arasında säydä äyläneşen tağın da canlandırır dip kötelä. İke prezident irtägä İran-Äfğän çigenä barıp 122 çaqrım ozınlıqtağı bu yulnı açu tantanasında qatnaşır dip kötelä. Xatami İran Äfğänstannı tözekländerü eşenä yardämne däwam itäçäk dide.

AUDİO: Bez Äfğänstannıñ iminlegen üz iminlegebez kebek küräbez. Häm bez üzebezneñ totrıqlılıqnı häm tärräqiätne Äfğänstannıñ tärräqiätendä küräbez. Alla yardäme belän Äfğänstan tözekländerü, totrıqlılıq häm iminlek yulına bastı. Häm bügen daimi xökümät oyıştırılu belän, inşalla, tärräqiät tağın da tizläner.

Xäzergä ike ile arasında tağın 4 çik qapqası eşli. Ämma tamojnya xezmäte barı Doqaranda ğına bara. Xatamidan tış Qarzay İrannıñ yuğarı ruxi citäkçese Ayatulla Ali Xamenei belän dä oçraşa häm irtägä Äfğänstanğa qayta.
XS
SM
MD
LG