Accessibility links

чәршәмбе, 7 декабрь 2016, Казан вакыты 11:38

Gruziä Könyaq Osetiägä aftonom respublika xoquqın täqdim itte


Gruziä prezidentı Mixail Saakaşvili Könyaq Osetiägä üz cirle xökümäte häm parlamentı bulğan aftonom respublika xoquqın täqdim itte. Bügen Yewropa Şurasınıñ parlament cıyınında çığış yasap Saakaşvili Könyaq Osetiä planı bu respublikanıñ avtonomiäsenä konstitutsion garantiäne küz aldında tota dide. Saakaşvili Rusiäneñ üz tınıçlıq tırışlıqları belän Gruziäneñ eçke eşlärenä tıqşınuına zarlanıp Rusiäne xalıqara qanunnarnı tupas bozuda ğäyepläde.

AUDIO: Bez tınıçlıq ezläwdä Rusiäneñ iñ möhim partnerıbız buluın telibez. Häm min tizdän şulay bulır dip ömetlänäm, çönki anda aqıllı säyäsätçelär küp häm bu Rusiä citäkçelegeneñ häm böten Rusiä xalqınıñ mänfäğätlärenä turı kilä.

Saakaşvili Könyaq Osetiägä täqdim itelgän şartlarnı ikençe separatist respublika Abxaziägä täqdim itä almawı turında äytte. Ul Abxaziä wäkilläreneñ söyläşülärdän çığıp kitüe näticäsendä Gruziä xökümäte berkem belän dä söyläşülär alıp bara almıy dide. Könyaq Osetiä citäkçese Eduard Kakoyto bu täqdimne cämäğätçelek fikerenä tä'sir itü tırışlığı dip kire qaqtı.

XS
SM
MD
LG