Accessibility links

якшәмбе, 11 декабрь 2016, Казан вакыты 15:05

Milli faciğädän sabaq alırğa


Polşa däwläteneñ Krakov yanında pänceşämbe könne ütkän çaralar tatarlarğa da qağıla. Çönki faşizmnıñ qorbannarı arasında meñlägän tatarlar bar. Konslagerlardağı tormışnı taswirlağan Näbi Däwli, Musa Cälil, Ğazi Qaşaf äsärläre härwaqıtta keşelärne dulqınlandırdı. Fälän millät wäkile bulğan öçen keşene yuqqa çığaru, qıyırsıtu, mısqıllaw elek tä, xäzer dä iñ awır tä''sir itä torğan ğämäl. Älbättä, Polşada cıyılğan säyäsätçelär, zur däwlät eşlekleläre izge xaqiqätne äytte. Ämma, ictimaği añda, könküreştä andıy xällärneñ tamırı qorımağan äle. Peterburgta, Mäskäw tiräsendä çit millät keşelären üterü, imgätü oçraqları buldı. Xäzerge buın yäşläreneñ tärbiäse faşizmnan sabaq aluğa nigezlänmägän.

Häm tağın ber sabaq. Yähüdlär häm Könbatıştağı aldınğı fikerle säyäsätçelär Holokostnı, milli faciğäne ictimaği tormışta, sänğättä çağıldıra, tärbiä çarası itep qullanalar. Ä tatar tarixı häm milli faciğäse turında belüçelär bik az. Dimäk, andıy xällär qabatlanmas digän garantiä dä yuq.

Rimzil Wäli

XS
SM
MD
LG