Accessibility links

Кайнар хәбәр

Tatar ğalimenä bağışlanğan kitap


Uzğan yıl axırında Tatarstannıñ fännär akademiäse Mäskäw ğalime Şamil Fatix ulı Möxämätyarovka bağışlap tarixi mäqälälär cıyıntığı bastırıp çığarğan. Ul biş yözgä yaqın bitle cıyıntıq, Rusiäneñ tabiği fännär akademiäse akademigı, Tatarstannıñ atqazanğan fän eşleklese , tarix institutınıñ ölkän xezmätkäre Şamil Möxämätyarovnıñ 80 yıllığına bağışlanğan. Şamil äfände bu kitapnıñ äzerlänüe turında da xäbärdar bulmağan. ä inde kitapnı qulına alğaç şatlığı çiktän uzğan. Bu kitap minem qulıma kilep kergändä xastahanädä yata idem, terelep kittem di, Şamil äfände. Tarixçı bularaq anı küp törle illärdä belälär. Anıñ fänni mäqäläläre Rusiädä genä tügel, Yaponiädä dä, Vengriädä dä , Finlyandiädä dä basılğan. Ul küp törle xalıqara kongresslarda qatnaşkan ğalim. Şunısı qızıqlı, Şamil Möxämätyarov tarix xalqınıñ kilep çığuın Altın Urda däwläte belän bäyläp kürsätkän ğalimnärneñ berse. Soñğı 50 yılda yazılğan eşlärem di ul, törki xalıqlarnıñ urta ğasırla tarixın tikşerügä bäyle. Şamil äfände zamanında Qazan universitetınıñ tarix kafedrası mödire bulıp ta eşlägän. 1970 yıldan birle Mäskäwdä yäşi. Läkin Tatarstan belän elemtäse bik nıq. Şuña kürä inde Tatarstan ğalimnäre anıñ zur yubileyına bağışlap, şundıy külämle kitapnı basıp ta çığarğannardır dip äytergä bula Bu kitap xaqında söyläşkän waqıtta Şamil äfände kitapnı çığaruçılarnıñ barısın da tirän räxmäten belderde.

Näzifä Kärimova, “azatlıq radiosı” Mäskäw.

XS
SM
MD
LG