Accessibility links

җомга, 9 декабрь 2016, Казан вакыты 08:44

Britaniä Ğiraqqa östämä 220 xärbi cibärä


Britaniä saqlanu ministrlığı Ğiraqqa östämä 220 xärbi cibäräçägen belderde. Alar 15-nçe martqa Ğiraqtan çığarıluçpı Hollandiä xärbilären almaştırırğa yardäm itäçäk. Äl-Mutanna wiläyätendä bulğan 1400 Hollandiä xärbie annan kitäçäk. Britaniä saqlanu ministrlığı anda xällär şul qädär yaxşı häm barı 600 Britan xärbie genä kiräk bulaçaq dip belderde. Biregä moñarçı Ğiraqnıñ başqa öleşlärendä bulğan Britan xärbiläre kitereläçäk. Ministrlıq äytüençä, östämä kiterelüçe 220 xärbi tä'minät häm başqa tör yardäm kürsätäçäk. Xäzer Ğiraqta Britaniäneñ 9 meñläp xärbie bar. Britaniä saqlanu ministrı Geoff Hoon Hollandiä xärbiläre Ğiraq iminlek köçlärenä künegülär birüdä zur tärräqiätkä ireşte dide.

XS
SM
MD
LG