Accessibility links

якшәмбе, 11 декабрь 2016, Казан вакыты 16:47

Abbas İzräildän üzara atışlarnı tizräk tuqtatunı soradı


Fälestin prezidentı Mäxmüt Abbas İzrail'dän, fälestin qorallı törkemnäre belän atışlarnı tuqtatu turındağı çaqırularğa tiz arada cawap birüne soradı. Ramallada AQŞ Däwlät Sekretare yardämçese William Burns belän söyläşülärdän soñ Abbas fälestinlelär dä, İzrail'lelär dä uzara atışlarnı tuqtatırğa teli dide. Häm tuqtatu turında qararnı kiçekterergä bernindi dä säbäp yuq dide Abbas. Elegräk Abbas Hamas häm Äl-Aqsa fidainnarı kebek törkemnär belän atışlarnı suıtu waqıtı turında kileşügä ireşkän ide. Uzğan atnada fälestin suğışçılarınıñ höcümnäre kimede. Fälestin iminlek köçläreneñ meñnärçä xezmätkäre İzrail'gä taba raketalar atuğa yul quymaw öçen xäzer saqta tora. Ämma bu wäzğiät ozaqqa suzıla almıy dide Abbas. Suğışçan fälestin törkemnäre, ägär dä İzrail' okupatsiälängän cirlärdä xärbi operatsiälären tuqtatsa häm İzrail' törmälärendäge 8 meñläp fälestinlene irekkä çığara başlasa, atışlarnı tuqtatu turında räsmi belderü yasıyaçaqbız di.

XS
SM
MD
LG