Accessibility links

шимбә, 3 декабрь 2016, Казан вакыты 03:35

Sergey Bagapş Gruziä prezidentınıñ Abxaziä turında äykännärenä tänqit belderde


Abxaziä prezidentı itep saylanğan Sergey Bagapş Gruziä prezidentı Mixail Saakaşvilinıñ Yewropa Şurası parlament cıyınındağı kiçäge çığışın tänqitläde. Kiçä Könyaq Osetiägä bäysezlektän baş tartuğa almaşqa kiñräk aftonomiä täqdim itkän Saakaşvili Gruziädän ayırılırğa teläwçe ikençe ber respublikağa, Abxaziägä monı täqdim itü faydasız dip beldergän ide. Saakaşvili Abxaziä başta 1992-93-nçe yıllardağı suğışta Abxaziädän kitärgä mäcbür bulğan görcilärgä kire qaytu mömkinlege birergä tieş dide. Bügen, Mäskäwgä kilgän Bagapş Saakaşvilinıñ bu belderüe Görci-Abxaz dialogına fayda kitermi dide.

AUDİO: Sivilizatsiäle illär, sivilizatsiäle keşelär bu mäs'älälärne söyläşülär aşa çişärgä tieş. Ä mondıy köç belän basım yasawlar, Abxaziägä qarata, yäki başqa berär ilgä qarata mondıy tupas belderülär bezneñ illär arasında säyäsi dialognı tizräk başlarğa yardäm itmiäçäk.

Abxaziä belän Könyaq Osetiä Gruziädän de-facto bäysezlek alğannan birle bu ike respublika belän tığız elemtädä torğan Rusiä Saakaşvilinıñ äytkännäre turında tağın da uylaw kiräk dip belderde. Könyaq Osetiä citäkçese Eduard Kakoytı Gruziäneñ täqdimen kiçä ük kire qaqtı.

XS
SM
MD
LG