Accessibility links

якшәмбе, 4 декабрь 2016, Казан вакыты 04:58

Kudrin Qazanğa nigä kilde, yäki meñyıllıq häm tağın taşlamalar


Comğa kiçendä Qazanğa Mäskäwdän ber törkem däwlät eşlekleläre kilep töşte. Ğädättä, Mäskäw yaqlarınnan kilgän qunaqlar tatarstanğa berär syurpriz yasarğa dip kilä. Bu oçraqta, maqsat başqaraq. Mäğlümat çığanaqları xäbär itülärenä qarağanda, Rusiä finans ministrı Aleksey Kudrin citäkçelegendäge däwlät eşlekleläre arasında rusiä mäğärif ministrı Andrey Fursenko, Rusiäneñ mädäniät häm kinematografiä buyınça federal' agentlıq citäkçese Mixail Şvıydkoylar da bulır dip kötelä. Maqsatları isä, Qazannıñ meñ yıllığın ütkärü buyınça däwlät komissiäse utırışında qatnaşu. Ul şimbä köngä dip planlaştırılğan. Rusiäneñ qazna ministrı Aleksey Kudrin älege komissiäneñ räis urınbasarları bulıp tora.

“Azatlıq” qa ışanıçlı bulğan çığanaqlar, Aleksey Kudrin meñ yıllıq komissiäse utırışında ğına bulmıyça, soñğı waqıtta Rusiädä şaw-şu quzğatqan monetizatsiä, yäğni taşlamalarnı beterü-qaytaru turındağı utırış uzdıraçaq.

Taşlamalar xaqında tağın ber xäbär. Qazanda un meñ danä külämendä berdäm transportta yörü biletları satuğa çıqtı. İsegezgä töşeräbez, älege buşqa yörü biletları Rusiädä pensionerlar häm taşlamalarnı qullanuçı başqa grajdannar öçen taşlamalar beterelgäç, Tatarstanda ğämälgä kertelde. Yäğni, Rusiäneñ qayber töbäklärendä pensionerlar öçen bernindi taşlamalar qaralmağan bulsa, Tatarstanda isä oçsız xaqqa şähär transportında yörü öçen biletlar alıp bula. Bügengä isä älege biletlarnı poçta xezmätkärläre, şähär transportına bilet satuçı kiosklar da, şulay uq, transportnıñ üzendä dä alıp bula.

Küzätüçelärneñ küpçelege, taşlamalar beterelgännän soñ, protest belderep uramnarğa çığu, bu berençe qarşılıq çarası ğına buldı, ikençese, toraq-komunal' reforması başlanğaç bulaçaq dip belderälär. Yäğni, torğan fatirlar öçen 100 protsentlı tüläw kertelgäç. Bu fevral'dä bulır dip kötelä. Comğada, älege mä’sälägä qarata, Qazan xakimiäte Piramida üzägendä Qazan şähärendäge toraq-kommunal' ölkägä qarağan barlıq xezmätkärlär belän cıyılış uzdırdı. Anda xalıqqa alda torğan reformalarnı añlatu, xoquqlarnı häm reformada barışında bulaçaq üzgärtep qorular xaqında tögäl mäğlümat citkerü xaqında süz bardı.

Comğada Qazan milli mädäni üzägendä comğa könne “tatar xalqınıñ bügengese häm kiläçäge” dip atalğan temağa zıyalılar utırışı bulıp uzdı. Älege çaranı oyıştıruçı Tatar ictimaği üzäge, cıyılış zıyalılar häm millätpärwärlärneñ teläge buyınça oyıştırıldı dip xäbär itte.

Räfis Cämdixan

XS
SM
MD
LG