Üzbäkstan prezidentı İslam Kärimov ilneñ yaña parlamentınıñ berençe utırışın açqanda Üzbäkstanda Ukrainadağı kebek inqilabnı buldırmayaçağın belderde.
Parlament utırışın küzätep toruçı çit il ilçeläre aldında bulğan şuşı çığışında ul xökümätneñ Ukrainadağı kebek äflisun inqilabın qabatlarğa yul quymaw öçen köçe citärlek dide.
İlçelär parlamentnıñ balkonınnan qarap utırğanda Kärimov "Anda balkonda utıruçılar monı yaxşıraq añlarğa tieş" dip äytte üz çığışında.
Qırğızstan prezidentı Askar Akaev Независимая Газетаğa interviewda Qırğızstanda inqıylap oyıştırırğa tırışuçılar monıñ watandaşlar suğışına kiterergä mömkinlegen añlarğa tieş dide.
Akayev häm başqa Qırğız räsmiläre kiläse ayda ütäçäk parlament saylawları aldınnan inqilabnı Qırğızstanğa kiterü tırışlıqlarına qarşı qat-qat kisätülär yasadı
Qırğızstan Üzäk Saylaw komissiäse wäkile Söläyman İmanbayev parlament saylawlarında BDB küzätüçeläre bulaçağına şatlanuın belderde.
BDB küzätüçeläre Qırğızstandağı saylaw protsessın başqa çit il küzätüçelärennän yaxşıraq añlıy dide İmanbayev.
İmanbayev tärcemäçelär belän eşläwçe başqa çit illärneñ küzätüçeläre yış qına küp närsäne añlap betermi di.
Qırğızstanda BDB küzätüçeläre törkeme räsmi räweştä eşkä kereşte. Bügen kiläse ayda ütäçäk bu saylawlarğa namzätlärne terkäw tämamlandı. Barlığı 400-läp namzät terkälde.
