Elekke Yugoslaviädäge suğış cinayätlären tikşerüçe BMO mäxkamäse tarafınnan ğäyeplänüçe Serb armiäse generalı Vladimir Lazareviç ixtıyarıy räweştä mäxkamägä birelergä buldı.
Serbiä premyer ministrı Voyislav Koştunitsa idaräse belderüençä, Lazareviç Haaga mäxkamäsenä kiläse atnada baraçaq.
Lazareviç 1999-nçı yılda Kosovodağı suğış cinayätläre öçen xalıqara mäxkamä tarafınnan ğäyeplänüçe 4 gerenalnıñ berse.
Könbatış suğış cinayätlärendä ğäyeplänüçelär mäxkamägä tapşırılsın öçen Serb xökümätenä basım yasap kilä.
Könbatış Serbiä xalıqara mäxkamä belän xezmättäşlek itmi dip aña finans yardämen tuqtattı. Yewropa Berlege Serbiäneñ berlek belän yaqınayuğa ireşüe şiklänelüçelärne mäxkamägä tapşıruğa bäyle dide.
