Accessibility links

Кайнар хәбәр

Başqortstanda cinayätçelek arta


Comğa könne Ufada Başqortstan respublikı proquraturasınıñ 2004 yılğı eş yomğaqlarına bağışlanğan kiñäytelgän qollegiä utırışı bulıp ütte. Anda töp xisap doqladı belän baş proquror wazıyfaların başqaruçı Mixäil Zelepuqin çığış yasadı. Doqladçı çığışınnan kürenüençä, uzğan yılda Başqortstanda cinayätçelek däräcäse sizelerlek artqan häm bu küreneş äle dä küzätelä. Bıltır respublikta cämğıse 34 meñ törle qanun bozular terkälgän. Bu annan aldağı yıl belän çağıştırğanda 4,3 protsentqa kübräk digän süz. Prokuratura tikşerüläre buyınça barlığı 719 cinayät eşe açılğan. Ayıruça keşe üterülär sanı baytaqqa artqan. Keşeneñ sälämätlegenä awır zıyan salu häm başqa qazalar yasaw sizelerlek kübäygän. Bäliğ bulmağannar tarafınnan qılınğan cinayätlär sanı da 8,3 protsentqa artqan ikän. Mixäil Zelepuqin süzlärençä, küp urınnarda şaqtıy ğına sanda cinayätlär terkälmi, ä terkälgännäre açıqlanmıy qala. Dimäk, cinayätçelär dä haman irektä yöri digän süz. Baş proquror üz çığışında ayıruça Başqortstan Eçke eşlär ministrlığı tarafına kisken tänqit süzlären yawdırdı. Qayber şähärlärdä, ayırıp äytkändä, Kümertaw häm Salawat şähärlärendä terkälgän barlıq cinayätlärneñ yartısı da açıqlanmıy, şulay itep cinayätçelär dä totılmıy. Zelepuqin süzlärençä, bıyıl proquratura orğannarı xoquq saqlaw oyışmalarınıñ eşçänlegen qatı qontrol' astına alaçaq.
XS
SM
MD
LG