Ufada «Şäreq-şow» tamaşaları däwam itä. Respublikta xalıq arasında iñ populyar «Şäreq» radiosı här yılnıñ başında oyıştıra torğan bu tamaşalar bıyıl da här könne anşlağ belän ütä.
«Şäreq» radiosı citäkçelege bıyılğı konsertlarnı da başqa yıllardağı ssenariy buyınça tözegän. Här könne konsert başlanır aldınnan biregä qunaq sıyfatında çaqırılğan säxnä weterännarına küçtänäçlär cıyılması tapşırıla häm milli sänğätebezne üsterügä kertkän zur öleşläre öçen alarğa ixlas räxmätlär äytelä.
«Şäreq» radiosınıñ «Duslıq dulqınnarında» dip atalğan bıyılğı proğrammalarında, här yıldağıça, Tatarstannan da küp kenä sänğätkärlär qatnaşa. Tanılğan cırçılarıbız Xäniä Färxi, Xämdünä Timerğäliewa, Räsim Nizamov, Ğabdelfät Safin häm başqa küplär tamaşaçılarğa üzläreneñ elekke yıllardağı häm ör-yaña cırların büläk itä. Qısqası, tamaşalar däwam itäçäk 30 ğınwarğa qädär Ufa çın sänğät bäyräme ruxında yäşi.
Fänis Fätxi, Ufa
Fänis Fätxi, Ufa
