Accessibility links

дүшәмбе, 5 декабрь 2016, Казан вакыты 03:40

Fälestinnär citäkçese Mahmud Abbas Qahirädä Misır prezidentı Hösni Möbäräk belän oçraştı


Fälestin xakimiäte citäkçese Mahmud Abbas bügen, küptän inde Yaqın Könçığış tınıçlıq prosessında aradaşçı bulğan Misır prezidentı Hösni Möbäräk belän oçraştı. Abbas 3 atna elek uzğan saylawlardan soñ çit ilgä üzeneñ berençe säfärenä çıqtı. Qahirägä kilgänçe fälestinnär başlığı Ammanda Yordaniä patşası Abdulla belän oçraştı. Ramallada, fälestin xäkümäte wäkile Hassan Abu Libdeh, Abbas häm İzrael premyer-ministrı Ariel Şaronnıñ yuğarı däräcädäge oçraşuı fivralneñ ikençe atnasında ütäçäk, dip xäbär itte. İzrael saqlanu ministrı Şaul Mofaz süzlärenä qarağanda, summitnıñ köntärtibe – xäzer barğan iminlek turındağı söyläşülärneñ näticäsenä bäyle. Saqlanu ministrlığı kiñäşçese Amos Gilad, iminlek räsmiläre yaña fälestin citäkçeläre aldında çigenergä äzer, dip belderde.

XS
SM
MD
LG