Bügen çit illäredäge ğiraqlılarnıñ tawış birüneñ ikençe köne ide .
Bäyräm çaraları Awstraliädän alıp Şvesiägä qadär däwam itä. Älege ike keşe Ğiraq saylawları öçen üz tawışların Kaliforniädä birgän:
"Nindi xislär kiçergänemne añlatıp birergä süzlär citmi."
"Bez elek tä saylawlarda qatnaşa idek, ämma bez elek ber prezidentnı häm diktatorlıqnı saylıy idek. Ämma xäzer bez yaxşıraq prezident, ilebezgä yardäm itäçäk yaxşı keşe öçen tawış biräbez."
Läkin Ğiraqtağı şähärlär bügen mäyet çıqqan kebek tıp-tın. Xalıq öylärendä utıra, saylawlarda qatnaşır öçen wazğiät nindi bulır dip borçıla.
Çik buyları häm Bağdad xalıqara hawa alanı yabılğan. Tönnären kommendant säğate kertelä, yullarda xäräkät çiklängän.
Uram polisiäse xezmätkäre kapitan Hamid Kadhim: "Räsmilär, bügennän başlap 31nçe ğinwarğa qadär, saylawlar tämamlanğançı kommendant säğate kertü turında kürsätmä birde, şuña maşinalar bik yuq. Allahı täğälä Ğiraqqa häm anıñ xalqına şuşı sınaw aşa isän-imin ütergä nasip itsen dip doğa qılabız," dide polisiä wäkile.
Mondıy kisätü çaralarına qaramastan Ğiraqta köç qullanu bügen dä kimemäde. İlneñ tönyaqkönçığışındağı kördlärneñ Xanaqin şähärendä polisiä binası yanında intixarçı üz üzeş şartlatqan. Şulay uq polisiä häm saylaw urınnarı yanında şartlawlar bügen tönyaqtağı Dohuk, Kirkuk, Hawija häm Bajwan şähärlärendä bulğan.
Kiçä Al-Qaeda belän bäyläneştä torğan yordanlı Abu Musab al-Zarkawi ğiraqlılarnı saylaw urınnarınnan yıraq torırğa çaqırdı. Dönya citäkçeläre saylawçılarnı tawış birüdä qatnaşırğa çaqıra. Berläşkän Millätlär Oyışması general sekretare Kofi Annan, kiçä, saylawlar – köç qullanudan alğa taba barırğa adım bulıp tora, dip belderde.
"Saylawlar ilneñ kiläçägen bilgelär öçen iñ yaxşı yul. Yäkşämbe könne üzegezneñ demokratik xoquqlarığıznı ütägez. Älege saylawlar köç qullanunı beterügä, tınıçlıqqa häm nıqlı xökümätkä taba mömkinlek aça," dide Kofi Annan.
Saylawlar arqasında Ğiraqta büleneş barlıqqa kilde. Şiğilär Saddam xakimiäte astında distälärçä yıl kimsetelüdän soñ nixayät säyäsi köçne üz qullarına alırğa niätläp saylawlarnı yaqlıy. Sönni ğaräplärneñ berniçä törkeme saylawlarğa barmasqa çaqıra, ildä köç qullanu däwam itkändä tawış birü ğadel häm irekle bula almıy dip belderä.
Alsu Qormaş
"Nindi xislär kiçergänemne añlatıp birergä süzlär citmi."
"Bez elek tä saylawlarda qatnaşa idek, ämma bez elek ber prezidentnı häm diktatorlıqnı saylıy idek. Ämma xäzer bez yaxşıraq prezident, ilebezgä yardäm itäçäk yaxşı keşe öçen tawış biräbez."
Läkin Ğiraqtağı şähärlär bügen mäyet çıqqan kebek tıp-tın. Xalıq öylärendä utıra, saylawlarda qatnaşır öçen wazğiät nindi bulır dip borçıla.
Çik buyları häm Bağdad xalıqara hawa alanı yabılğan. Tönnären kommendant säğate kertelä, yullarda xäräkät çiklängän.
Uram polisiäse xezmätkäre kapitan Hamid Kadhim: "Räsmilär, bügennän başlap 31nçe ğinwarğa qadär, saylawlar tämamlanğançı kommendant säğate kertü turında kürsätmä birde, şuña maşinalar bik yuq. Allahı täğälä Ğiraqqa häm anıñ xalqına şuşı sınaw aşa isän-imin ütergä nasip itsen dip doğa qılabız," dide polisiä wäkile.
Mondıy kisätü çaralarına qaramastan Ğiraqta köç qullanu bügen dä kimemäde. İlneñ tönyaqkönçığışındağı kördlärneñ Xanaqin şähärendä polisiä binası yanında intixarçı üz üzeş şartlatqan. Şulay uq polisiä häm saylaw urınnarı yanında şartlawlar bügen tönyaqtağı Dohuk, Kirkuk, Hawija häm Bajwan şähärlärendä bulğan.
Kiçä Al-Qaeda belän bäyläneştä torğan yordanlı Abu Musab al-Zarkawi ğiraqlılarnı saylaw urınnarınnan yıraq torırğa çaqırdı. Dönya citäkçeläre saylawçılarnı tawış birüdä qatnaşırğa çaqıra. Berläşkän Millätlär Oyışması general sekretare Kofi Annan, kiçä, saylawlar – köç qullanudan alğa taba barırğa adım bulıp tora, dip belderde.
"Saylawlar ilneñ kiläçägen bilgelär öçen iñ yaxşı yul. Yäkşämbe könne üzegezneñ demokratik xoquqlarığıznı ütägez. Älege saylawlar köç qullanunı beterügä, tınıçlıqqa häm nıqlı xökümätkä taba mömkinlek aça," dide Kofi Annan.
Saylawlar arqasında Ğiraqta büleneş barlıqqa kilde. Şiğilär Saddam xakimiäte astında distälärçä yıl kimsetelüdän soñ nixayät säyäsi köçne üz qullarına alırğa niätläp saylawlarnı yaqlıy. Sönni ğaräplärneñ berniçä törkeme saylawlarğa barmasqa çaqıra, ildä köç qullanu däwam itkändä tawış birü ğadel häm irekle bula almıy dip belderä.
Alsu Qormaş